ໜອງ​ມະ​ຫັດ​ສະ​ຈັນ ໜອງຂຽວ ເມືອງງອຍຄວາມ​ງາມ​ທ​ີ່ຢາກ​ໃຫ້​ສຳ​ພັດ.

ໜອງຂຽວ ເມືອງງອຍ ກັບ​ທຳມະຊາດອັນ​ສົດ​ຊື່ນ ແລະ ສວຍ​ງາມ

ສະຖານທີ່ທ່ອງທ່ຽວທໍາມະຊາດໜອງຂຽວເປັນ​ສະ​ຖານ​ທີ່ທີ່ອອ້ມຮອບໄປດ້ວຍ ພູຜາຫີນປູນອັນສູງຊັນ ລຽນກັນເປັນຖັ້ນເປັນແຖວ ເຊິ່ງປົກຄຸມໄປດ້ວຍປ່າໄມ້ ອັນດົກໜາຂຽວງາມຕະ ຫຼອດປີເຮັດໃຫ້ອາກາດ ເຂດນີ້ມີຄວາມປອດໂປ່ງ ສົດໃສດີເໝາະແກ່ການມາ ທ່ອງທ່ຽວ ແລະ ພັກຜ່ອນຢ່ອນໃຈ.

ພາບ​: laophattananews.com

ໜອງຂຽວຕັ້ງຢູ່ແຄມ ແມ່ນໍ້າອູທີ່ຂຶ້ນກັບ ເມືອງ ງອຍ, ແຂວງຫຼວງພະບາງ ມີຂົວເກົ່າແກ່ຂ້າມນໍ້າອູຖືກ ສ້າງຂຶ້ນໃນປີ ຄ.ສ 1973, ເປັນສະຖານທີ່ທ່ອງທ່ຽວ ຖືກຄົ້ນພົບມາເປັນເວລາ ເກືອບ 50ປີແລ້ວ, ມັນມີ ຄວາມໂດດເດັ່ນ ແລະ ໜ້າປະ ທັບໃຈຫຼາຍ ສຳລັບ ນັກທ່ອງ ທ່ຽວທັງພາຍໃນ ແລະ ຕ່າງ ປະເທດເປັນຈຳນວນບໍ່ໜ້ອຍ ມາຮອດ ປັດຈຸບັນ ສະຖານ ທີ່ ທ່ອງທ່ຽວແຫ່ງນີ້ມາໄດ້ມີ ການພັດທະນາໂດດເດັ່ນຂຶ້ນມີລະບົບໄຟຟ້າ ແລະ ນໍ້າບາ ດານເຂົ້າໄປເຖິງທຸກບ່ອນ ພ້ອມທັງສິ່ງເອື້ອອໍານວຍ ຄວາມສະດວກອື່ນໆ ອີກເພື່ອ ຮອງຮັບໃຫ້ນັກທ່ອງທ່ຽວ ທີ່ມາທ່ຽວຊົມເຊັ່ນ: ປັບປຸງ ປົວແປງເສັ້ນທາງເຂົ້າ- ອອກ ໃຫ້ສະດວກສະບາຍຂຶ້ນກວ່າເກົ່າ, ປົວແປງສະຖານທີ່ຝາກ ລົດ, ກໍ່ສ້າງສະຖານທີ່ພັກ ແຮມ, ຮ້ານອາຫານ-ກິນດື່ມ ແລະ ສະຖານທີ່ຊົມວີວຕ່າງໆ. ເຖິງແມ່ນວ່າເຂດໜອງຂຽວຈະໄດ້ຮັບການພັດທະນາມາຫຼາຍແລ້ວກໍຕາມ, ແຕ່ກໍຍັງ ຄົງຮັກສາໄວ້ໄດ້ຄວາມສວຍສົດງົດງາມແບບທໍາມະຊາດທີ່ເປັນເອກກະລັກສະເພາະ ດັ້ງເດີມຂອງມັນ.

ໜອງຂຽວ ເມືອງງອຍ ສະ​ຖານ​ທີ່​ທີ່​ນັກ​ທ່ອງ​ທຽວ​ຕ້ອງ​ໄດ້​ໄປ​ສຳ​ພັດ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Facebook Doodido