ເຈດຈໍານົງຂອງລັດຖະບານໃນການສົ່ງເສີມ ແລະ ກໍ່ສ້າງພື້ນຖານເສດຖະກິດລາວ

ໂອກາດເຂົ້າເຖິງແຫຼ່ງທຶນຂອງວິສາຫະກິດ ຂະໜາດນ້ອຍ ແລະ ກາງ (ວນກ).

​ປະ​ຈະ​ບັນການສົ່ງເສີມວິສາຫະກິດຂະໜາດນ້ອຍ ແລະ ກາງ (ວນກ) ຖືເປັນແຜນວຽກບຸລິມະສິດໜຶ່ງຂອງ ສປປ ລາວ, ເຊິ່ງ ວນກກວມ​ເອົາ 90 ສ່ວນຮ້ອຍ ຂອງຈຳນວນບັນດາຫົວໜ່ວຍທຸລະກິດໃນ ສປປ ລາວ ແລະ ເປັນພາກສ່ວນທີ່ສາມາດຊ່ວຍເສີມສ້າງຮາກຖານຄວາມເຂັ້ມຂອງຂອງເສດຖະກິດລາວ ກໍຄືການສ້າງວຽກເຮັດງານທຳໄດ້ຢ່າງຫຼວງຫຼາຍ, ສາມາດປັບປຸງຄຸນນະພາບຂອງການຜະລິດ, ສ້າງລາຍຮັບ ແລະ ປະກອບສ່ວນເຂົ້າໃນການເຮັດໃຫ້ປະຊາຊົນລາວ ຢູ່ດີກິນດີຍິ່ງຂຶ້ນ.

ພາບ: laoedaily.com.la

ຕາມ​ລາຍ​ງານ​​ຂອງ targetlaos ໃຫ້​ຮູ້​ວ່າ: ຕໍ່ກັບການສົ່ງເສີມ ວນກ ນັ້ນ ກໍແມ່ນເລື່ອງສະພາບແວດລ້ອມທາງດ້ານທຸລະກິດ ເຊິ່ງຂໍ້ຫຍຸ້ງຍາກຕົ້ນຕໍທີ່ ວນກ ກຳລັງປະເຊີນຢູ່ ນັ້ນກໍຄື ການເຂົ້າເຖິງແຫຼ່ງທຶນ, ອີງຕາມກົດໝາຍວ່າດ້ວຍການສົ່ງເສີມວິສາຫະກິດຂະໜາດນ້ອຍ ແລະ ກາງ ສະບັບເລກທີ 061/ປປທ ລົງວັນທີ 16/01/2012 ໄດ້ສະແດງອອກໃຫ້ເຫັນເຖິງເຈດຈໍານົງຂອງລັດຖະບານໃນການສົ່ງເສີມ ແລະ ກໍ່ສ້າງພື້ນຖານເສດຖະກິດລາວ ຜ່ານ 13 ກິດຈະກຳສົ່ງເສີມຄວາມເຂັ້ມແຂງຂອງ ວນກ ເຊິ່ງໜຶ່ງໃນນັ້ນກໍແມ່ນປະກອບມີ ການສ້າງສະພາບແວດລ້ອມທີ່ເອື້ອອຳນວຍ, ການເຂົ້າເຖິງແຫຼ່ງທຶນ, ນະໂຍບາຍດ້ານພາສີ-ອາກອນ, ການສ້າງ ແລະ ພັດທະນາຜູ້ປະກອບກິດຈະການ, ການບໍລິການໃຫ້ຄຳປຶກສາພັດທະນາທຸລະກິດ, ການຮ່ວມມືທຸລະກິດ ລະຫວ່າງ ວນກ ກັບວິສາຫະກິດຂະໜາດໃຫຍ່ ແລະ ຂອງຕ່າງປະເທດ. ການເພີ່ມຜະລິດຕະພັນ, ການເຂົ້າເຖິງ ແລະ ຂະຫຍາຍຕະຫຼາດ, ການຮ່ວມກຸ່ມທຸລະກິດ, ສະຖານທີ່ປະກອບກິດຈະການ, ການສົ່ງເສີມການນຳໃຊ້ເຕັກໂນໂລຊີທີ່ກ້າວໜ້າ, ການນຳໃຊ້ ແລະ ປົກປ້ອງຊັບສິນທາງປັນຍາ ແລະ ການສະໜອງການເຂົ້າເຖິງຂໍ້ມູນຂ່າວສານ. ໂອກາດເຂົ້າເຖິງແຫຼ່ງທຶນຂອງວິສາຫະກິດ ຂະໜາດນ້ອຍ ແລະ ກາງ ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Facebook Doodido