ຮ່ວມເປັນເຈົ້າສັດທາປະຕິສັງຂອນ ພະທາດຖິ່ນຊ້ອຍ ເປັນຂວັນມິ່ງເມືອງ.
- Superphil Phil
- Sep 19, 2020
- 1 min read
Updated: Sep 21, 2020
ຮ່ວມເປັນເຈົ້າສັດທາປະຕິສັງຂອນ ພະທາດຖິ່ນຊ້ອຍ ເປັນຂວັນມິ່ງເມືອງ. ດ້ວຍຄວາມເກົ່າແກ່ຂອງພະທາດຖິ່ນຊ້ອຍທີ່ຊາວບ້ານຕ່າງກໍໃຫ້ຄວາມເລື້ອມໃສສັດທາດ້ວຍຄວາມສັກສິດ ແລະ ເປັນບ່ອນຍືດໜ່ຽວຈິດໃຈຂອງປະຊາຊົນ ເມືອງປາກງື່ມ ນະຄອນຫຼວງວຽງຈັນ, ພະທາດແຫ່ງນີ້ ເປັນມໍລະດົກສະຖານທີ່ເກົ່າແກ່ອີກແຫ່ງໜຶ່ງ ທີ່ຕິດພັນກັບປະຫວັດສາດແຫ່ງການຕໍ່ສູ້ ແລະ ສ້າງສາພັດທະນາປະເທດຊາດຂອງບັນພະບຸລຸດລາວ ຕາມຂໍ້ມູນທີ່ໄດ້ບັນທຶກໄວ້. ພະທາດຖິ່ນຊ້ອຍ ສ້າງຕັ້ງຂຶ້ນໃນປີ ຄສ 1570 ມາຮອດປັດຈຸບັນ ພະທາດດັ່ງກ່າວອາຍຸເກືອບ 450 ປີແລ້ວ ຈຶ່ງເຮັດໃຫ້ສະພາບຂອງພະທາດພຸພັງອອກເກືອບໝົດ ສະນັ້ນ ອົງການປົກຄອງເມືອງ ໂດຍພາຍໃຕ້ການນຳພາຂອງທ່ານເຈົ້າຄອງນະຄອນຫຼວງວຽງຈັນ ພ້ອມດ້ວຍຄອບຄົວ ສົມທົບກັບອຳນາດການປົກຄອງເມືອງ ໄດ້ມີຈິດສັດທາຮ່ວມກັນບູລະນະພະທາດແຫ່ງນີ້ ກັບຄືນມາເປັນພະທາດທີ່ມີຄວາມສວຍສົດງົດງາມ ຮັກສາໄວ້ໃຫ້ລຸ້ນລູກລຸ້ນຫຼານໄດ້ເຫັນ ແລະ ເຄົາລົບກາບໄຫວ້ບູຊາສືບຕໍ່ໄປ ດັ່ງນັ້ນ ຈຶ່ງໄດ້ຮ່ວມໃຈກັນຈັດຕັ້ງກອງບຸນຂຶ້ນ 12 ກອງ ໃນວັນທີ 3-4 ກໍລະກົດຜ່ານມາ ເພື່ອເປັນການສັກກາລະບູຊາ ຄອບໄວ້ສິ່ງສັກສິດ ເຈົ້າຖິ່ນ ເຈົ້າຖານ ຖືເປັນນິມິດໝາຍແຫ່ງການເປີດພິທີໃນການຫ້າງຫາກະກຽມ ປະຕິສັງຂອນພະທາດເຈດີ ວັດຖິ່ນຊ້ອຍໃໝ່.
ຈຸດປະສົງເພື່ອແນໃສ່ໃຫ້ພໍ່ແມ່ປະຊາຊົນຊາວເມືອງປາກງື່ມ ຕະຫຼອດຮອດບັນດາຜູ້ທີ່ມີຈິດໃຈໃສສັດທາທັງພາຍໃນ ແລະ ຕ່າງປະເທດ ມາຊ່ວຍສົມທົບທຶນປະຕິສັງຂອນພະທາດແຫ່ງນີ້ ໃຫ້ກັບຄືນສູ່ສະພາບເດີມ ເປັນຂວັນມິ່ງເມືອງໃຫ້ແກ່ຄົນລຸ້ນຕໍ່ໄປ. ທ່ານນາງ ວິໄລວອນ ຈັນທະລາຕີ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ (ຖວທ ນວ) ໃຫ້ຮູ້ວ່າ: ໂຄງການປະຕິສັງຂອນພະທາດເຈດີ ວັດຖິ່ນຊ້ອຍ ແມ່ນນອນໃນ 10 ໂຄງການຂອງ ນວ ເພື່ອກະກຽມໃຫ້ແກ່ງານສະເຫຼີມສະຫຼຼອງ ນວ ຄົບຮອບ 450 ປີ ໃນປີ 2010 ແຕ່ດ້ວຍເຫດຜົນບາງດ້ານ ທີ່ຍັງບໍ່ທັນໄດ້ມີຄວາມພ້ອມ.ໂຄງການດັ່ງກ່າວຈຶ່ງບໍ່ທັນໄດ້ຮັບການຈັດຕັ້ງປະຕິບັດໃນໄລຍະນັ້ນ ຜ່ານມາພະແນກ ຖວທ ນວ ໄດ້ສົມທົບກັບກົມມໍລະດົກ ກົມວິຈິດສິນ ແລະ ອົງການປົກຄອງເມືອງປາກງື່ມ ສືບຕໍ່ການສຳຫຼວດ ແລະ ປຶກສາຫາລືແຜນການບູລະນະປະຕິສັງຂອນ ເຊິ່ງມາຮອດປີ 2016 ພະແນກ ຖວທ ນວ ໄດ້ສັງລວມບັນດາຂໍ້ມູນທັງໝົດກ່ຽວກັບໂຄງການ ເພື່ອລາຍງານຂໍທິດຊີ້ນຳຈາກການນຳ ນວ ເພື່ອລົງມືປະຕິບັດ ເຊິ່ງພະແນກ ຖວທ ນວ ໄດ້ຂຽນເປັນໂຄງການສະເໜີຂໍອະນຸມັດງົບປະມານ ເພື່ອມາເຮັດຮົ້ວ ແລະ ບູລະນະເບື້ອງຕົ້ນ. ຮ່ວມທືນສັດທາໃນການບູລະນະພະທາດຖິ່ນຊ້ອຍເມືອງປາກງືມ ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido.
コメント