ຮັບແຮງງານຕົກຄ້າງກັບຄືນປະເທດ

ໄຊຍະບູລີ ຮັບແຮງງານ ລາວ ທີ່ຕົກຄ້າງຢູ່ຈັງຫວັດເລີຍ ກັບຄືນປະເທດ

ເນື່ອງຈາກສະຖານະການຂອງເຊື້ອພະຍາດອັກເສບປອດສາຍພັນໃໝ່ ໂຄວິດ-19 ຍັງສືບຕໍ່ແຜ່ລະບາດເປັນວົງກວ້າງ, ຈໍານວນຜູ້ຕິດເຊື້ອ ແລະ ເສຍຊີວິດໃນທົ່ວໂລກນັບມື້ນັບເພີ່ມຂຶ້ນ.

ພາບ: kaomainews.com

ເພື່ອເປັນການສະກັດກັ້ນ ແລະ ແກ້ໄຂບັັນຫາດັ່ງກ່າວ ລັດຖະບານທັງສອງປະເທດ (ສປປ ລາວ ແລະ ຣາຊະອານາຈັກໄທ) ໄດ້ມີມາດຕະການປິດປະເທດຊົ່ວຄາວ ເຊິ່ງໄລຍະນີ້ແມ່ນໄດ້ມີການປິດການເຂົ້າ-ອອກດ່ານສາກົນຊົ່ວຄາວ ຂອງບຸກຄົນ, ຍົກເວັ້ນສະເພາະລົດຂົນສົ່ງສິນຄ້າ ນັບແຕ່ວັນທີ 3 ເມສາ 2020 ຢ່າງເປັນທາງການ.

ຍ້ອນສະພາບບັນຫາດັ່ງກ່າວ ອັນໄດ້ເຮັດໃຫ້ມີແຮງງານລາວທີ່ໄປອອກແຮງງານຢູ່ປະເທດໄທ ເຊິ່ງມີຈຸດປະສົງກັບຄືນບ້ານຂອງຕົນ ບໍ່ສາມາດກັບຄືນໄດ້ຕາມກໍານົດເວລາ ຈຶ່ງຖືກຕົກຄ້າງຢູ່ອໍາເພີທ່າລີ ຈັ່ງຫວັດເລີຍຣາຊະອານາຈັກໄທເຊິ່ງຝ່າຍໄທໄດ້ ອໍານວຍຄວາມສະດວກດ້ານສະຖານທີ່, ເຄື່ອງອຸປະໂພກ ແລະ ບໍລິໂພກໃຫ້ແກ່ແຮງງານລາວເປັນຢ່າງດີ

ພາບ: kaomainews.com

ແລະ ໃນຕອນບ່າຍວັນທີ 7 ເມສາ 2020 ນີ້, ຢູ່ທີ່ອາຄານດ່ານສາກົນຂົວມິດຕະພາບນໍ້າເຫືອງ ອໍາເພີທ່າລີ່ ຈັ່ງຫວັດເລີຍ ໄດ້ຈັດພິທີ ມອບ-ຮັບແຮງງານລາວທີ່ຕົກຄ້າງຢູ່ອໍາເພີທ່າລີ ໃຫ້ແຂວງໄຊະຍະບູລີ ເຊິ່ງຕາງໜ້າຝ່າຍແຂວງໄຊຍະບູລີ.

ຮັບແຮງງານ ລາວ ທີ່ຕົກຄ້າງຢູ່ຈັງຫວັດເລີຍ ກັບຄືນປະເທດ

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Facebook Doodido