ອະທິບາຍຄຳວ່າ “ມອງ” ໃນຄວາມໝາຍຂອງພາສາລາວ.
- Superphil Phil
- Jul 5, 2020
- 1 min read
ມາຮູ້ຈັກຄຳວ່າ “ມອງ” ກັບຄວາມໝາຍໃນພາສາລາວ. ແນນອນເພງລາວທີ່ກ່ຳລັງເປັນກະແສ ແລະ ມາແຮງຊ່ວງນີ້ຄົງຈະບໍ່ພົ້ນເພງ “ໃສ່ໃຈໄດ້ແຕ່ … ມອງ” ເຊິ່ງກາຍເປັນໜຶ່ງໃນເພງລາວທີ່ກາຍເປັນກະແສດັງໄປທົ່ວໂລກໂຊຊຽວທັງຝັ່ງໄທ ແລະ ລາວ, ຫຼັງຈາກທີ່ປ່ອຍອອກມາໃຫ້ຟັງຜ່ານທາງ YouTube ເປັນເວລາພຽງໜຶ່ງເດືອນກໍ່ມີຜູ້ເຂົ້າຊົມແລ້ວເກືອບ 20 ລ້ານຄັ້ງ ເປັນເພງຮີດຕິດປາກໄວລຸ້ນຫລາຍໆຄົນທັງໃນຕິກຕັອກ ແລະ ທົ່ວໄປ, ເວົ້າໄດ້ວ່າດັງເກີນຄວາມຄາດໝາຍ. “ໃສ່ໃຈໄດ້ແຕ່ … ມອງ” ເປັນເພງທີ່ເປັນໄວໜຸ່ມລາວແຕ່ງ, ຮ້ອງ ແລະ ທີ່ຈັບກຸ່ມກັນມາສ້າງຂື້ນມາ ໂດຍຖ່າຍທຳວິດີໂອກັນເອງ ແລະ ບົດເພງນີ້ສ້າງຂື້ນໃນຊື່ “ໃສ່ໃຈໄດ້ແຕ່ … ມອງ” ໃນນັ້ນບັນຫາທີ່ກ່ຳລັງເປັນກະແສ ແລະ ຜູ່ຟັງຜູ່ຊົມຫລາຍໆທ່ານຖົກຖຽງກັນຫລາຍໃນເລື່ອງຂອງການນຳໃຊ້ສັບພາສາ. ເນືອງຈາກຄວາມດັງຂອງເພງຈິງເຮັດໃຫ້ເປັນກະແສຕາມມາບໍ່ໜ້ອຍກໍ່ເລີຍເຮັດໃຫ້ມີຄຳຖາມເກີດຂື້ນມາຢ່າງຕໍ່ເນື່ອງກັບຄຳວ່າ “ມອງ” ທີ່ຢູ່ໃນຊື່ເພງ ແລະ ໃນເນື້ອຮ້ອງວ່າ ຄຳສັບນີ້ເປັນຄຳລາວແທ້ບໍ? ຫລື ວ່າເປັນການນຳຄຳໃນພາສາໄທມາໃຊ້.
“ໃສ່ໃຈໄດ້ແຕ່ມອງ… ມອງ” ເປັນຄຳສັບພາສາລາວ ຫຼື ບໍ່ “ມອງ” ຄຳນີ້ເປັນຄຳລາວ ຫຼື ຄຳໄທ? ຄຳຕອບແມ່ນ ເປັນໄດ້ທັງຄຳລາວ ແລະ ຄຳໄທ ແລະ ຄວາມໝາຍຍັງຄືກັນອີກ ແຕ່ບໍ່ແມ່ນທັງໝົດ. ສ່ວນທີ່ມີຄວາມໝາຍຄືກັນ ແມ່ນສ່ວນຂອງຄວາມໝາຍທີ່ເປັນຄຳກິລິຍາ. “ມອງ” ຄວາມໝາຍຕາມວັດຈະນານຸກົມ ໂດຍ ມະຫາສິລາ ວີຣະວົງ ມີດັ່ງນີ້: 1. ຄຳນາມ: ເຄື່ອງມືຫາປາຢ່າງໜຶ່ງສານດ້ວຍປ່ານ ຫຼື ຝ້າຍ ໃຊ້ຄຶງລັດເອົາປາ ຫຼື ກວາດເອົາປາ. 2. ຄຳນາມ: ຊື່ຂອງຄົກໃຊ້ຕຳເຂົ້າໂດຍການໃຊ້ຕີນຢຽບໃຫ້ເດື່ອງ ເອີ້ນວ່າ ຄົກມອງ. 3. ຄຳນາມ: ຄົນເທືອຍ, ຄົນມີອົງກຳເນີດຕາຍ ຫຼື ໃຊ້ປະໂຫຍດບໍ່ໄດ້ ໂດຍມາເປັນແຕ່ກຳເນີດ ເອີ້ນວ່າ ຄົນມອງ. 4. ຄຳກິລິຍາ: ເບິ່ງ, ຫຼິງ, ເຫັນ, ຫຼຽວ ຫຼື ຈອບເບິ່ງ. ມາຮູ້ຈັກກັບຄຳວ່າ “ມອງ” ມີຄວາມໝາຍໃນພາສາລາວແນວໃດ? ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Kommentare