ອະທິບາຍຄໍາວ່າ: ບາສີ ກັບຄວາມໝາຍໃນພາສາລາວ
- Superphil Phil
- May 19, 2020
- 1 min read
ອະທິບາຍຄໍາວ່າ: ບາສີ ກັບຄວາມໝາຍໃນພາສາລາວ
ສູ່ຂວັນ ແລະ ບາສີ ແມ່ນພິທີກຳທາງຮີດຄອງປະເພນີລາວ ເຊິ່ງມີມາແຕ່ບູຮານນະການ ມີຄວາມໝາຍອັນດຽວກັນ ແຕ່ໃຊ້ບໍ່ເໝືອນກັນ ເພາະຄຳວ່າສູ່ຂວັນ ແມ່ນໃຊ້ກັບບຸກຄົນທຳມະດາສາມັນທົ່ວໄປ ແຕ່ຄຳວ່າບາສີ ແມ່ນໃຊ້ກັບບຸກຄົນຊັ້ນສູງທີ່ມີຖານະຕຳແໜ່ງ ເປັນເຈົ້າຄົນນາຍຄົນ ຫຼື ມີຖານັນດອນສັກເປັນຜູ້ໃຫຍ່ໄມ້ສູງ
ພິທີບາສີສູ່ຂວັນ ບາງຄັ້ງເອີ້ນວ່າພິທີ ບາສີ, ພິທີສູ່ຂວັນ (พิธีบายศรีสู่ขวัญ), ພິທີຮັບຂວັນ(พิธีรับขวัญ), ພິທີຖະຫວາຍທູບທຽນ, ແມ່ນປະເພນີຂອງຊາວໄທ ແລະ ລາວດ້ວຍຄວາມເຊື່ອຖືວ່າ ທຸກຄົນເກີດມາພ້ອມກັບນາມມະທໍາທີ່ບໍ່ມີຕົວຕົນມີຊື່ວ່າ: “ຂວັນ” ເຊິ່ງມີ ໜ້າ ທີ່ຮັບຜິດຊອບໃນການຮັກສາຊີວິດ ແລະ ຕິດຕາມເຈົ້າຂອງໄປທຸກຫົນທຸກແຫ່ງ. ພິທີດັ່ງກ່າວແມ່ນເປັນການເຊື້ອເຊີນເອົາຂວັນທີ່ຫລົບ ໜີໄປ ໃຫ້ເຂົ້າມາຢູ່ກັບເນື້ອກັບຕົວ ແລະ ເຊື່ອວ່າມັນເປັນການເສີມສ້າງພະລັງໃຈໃຫ້ເຂັ້ມແຂງ ມີສະຕິ ແລະ ບໍ່ປະໝາດ.
ຕາມປະເພນີລາວ ການສູ່ຂວັນຍັງໃຊ້ໃນຫຼາຍກໍລະນີທີ່ຕິດພັນກັບການດຳລົງຊີວິດຂອງຄົນລາວ ເປັນຕົ້ນ ການສູ່ຂວັນຂຶ້ນເຮືອນໃໝ່ ການສູ່ຂວັນແຕ່ງດອງໃໝ່ ການສູ່ຂວັນອອກກຳໃໝ່ ຄົນເຈັບໜັກທີ່ເຊົາໃໝ່ ການສູ່ຂວັນເລົ້າເຂົ້າ ການສູ່ຂວັນກວຽນ ການສູ່ຂວັນງົວ-ຄວາຍ ການສູ່ຂວັນຜູ້ເຖົ້າ ການສູ່ຂວັນໃນໂອກາດວັນຂຶ້ນປີໃໝ່ ການບາສີພຣະສົງອົງຄະເຈົ້າ ການບາສີແຂກມາຢ້ຽມຢາມ ການບາສີເຈົ້າເມືອງ ເຈົ້າແຂວງ-ລັດຖະມົນຕີ ແລະ ຂັ້ນສູງອື່ນໆມາຢ້ຽມຢາມ ເປັນຕົ້ນ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ FacebookDoodido
Comentarios