ຫລາຍເມືອງໃນແຂວງສະຫວັນນະເຂດ ໄດ້ຮັບຜົນກະທົບໜັກຈາກນໍ້າຖ້ວມ.
- Superphil Phil
- Oct 20, 2020
- 1 min read
ຫລາຍເມືອງໃນແຂວງສະຫວັນນະເຂດ ໄດ້ຮັບຜົນກະທົບໜັກຈາກນໍ້າຖ້ວມ. ຕາມທີ່ເຫັນໃນຂ່າວທັງສື່ອອນລາຍ ແລະ ແຫລ່ງອື່ນໆ, ໃນໄລຍະຕົ້ນເດືອນຕຸລາ 2020, ປະຊາຊົນ ແຂວງສະຫວັນນະເຂດ ໄດ້ຮັບຜົນກະທົບຫລາຍຈາກໄພນ້ຳຖວ້ມ ເຊິ່ງເຮັດໃຫ້ເຮືອນຊານບ້ານຊ່ອງ, ໂຮງ ຮຽນ, ໄຮ່ນາ, ເນື້ອທີ່ການຜະລິດ ແລະ ສັດລ້ຽງ ເສຍຫາຍຫລາຍສົມຄວນ ແລະ ຍັງຄົງຕ້ອງການຄວາມຊ່ວຍເຫລືອຈາກຫລາຍຝ່າຍຢູ່. ປັດຈຸບັນ ປະຊາຊົນ 8 ເມືອງ ໃນແຂວງສະຫວັນນະເຂດ ໄດ້ຮັບຜົນກະທົບໝັກ ຈາກໄພພິບັດນໍ້າຖ້ວມ ຄື: ເຊໂປນ, ເມືອງນອງ, ວິລະບູລີ, ເມືອງພີນ ແລະ 4 ເມືອງ ຕອນລຸ່ມລຽບຕາມລໍານໍ້າເຊບັ້ງຫຽງ ຄື: ຊົນນະບູລີ, ຈຳພອນ, ສອງຄອນ ແລະ ທ່າປາງທອງ ຍ້ອນຝົນຕັກໜັກຕິດຕໍ່ກັນຫລາຍວັນ ໃນນີ້ໜັກກວ່າໝູ່ແມ່ນເມືອງເຊໂປນ ແລະ ເມືອງນອງ ເນື່ອງຈາກເສັ້ນທາງຖືກຕັດຂາດ ຈົນບໍ່ສາມາດເຂົ້າເຖິງໄດ້ ແລະ ລະດັບນໍ້າຍັງສືບຕໍ່ສູງຂື້ນ ສ່ວນຜົນເສຍຫາຍຍັງບໍ່ສາມາດປະເມີນໄດ້ເທື່ອ.
ສ່ວນເມືອງທີຄາດວ່າຈະເສຍຫາຍຫລາຍ ແລະ ໜັກກໍຄື ເມືອງຈຳພອນ ແລະ ເມືອງຊົນນະບູລີ, ສຳລັບ ເມືອງຈຳພອນ ປະລິມານນ້ຳໄດ້ເຮັດໃຫ້ນໍ້າເຊຈໍາພອນ ສູງຂຶ້ນໄຫລເຂົ້າຖ້ວມບ້ານປະຊາຊົນ ເປັນຕົ້ນ ບ້ານໂນນສີທັນ, ຫົວເມືອງ, ເພຍກ່າ, ລໍາບອງ, ຊະຄືນໃຕ້, ຊະຄືນເໜືອ, ລຳເທນ, ວັງເມົາ, ດົງເມືອງ, ທ່າມ່ວງ ລວມມີ 355 ຄອບຄົວ, ຈໍານວນ 1.730 ກວ່າຄົນ, ເນື້ອທີ່ການຜະລິດ ຖືກນໍ້າຖ້ວມ 414 ກວ່າເຮັກຕາ. ປະຊາຊົນແຂວງສະຫວັນນະເຂດ ໄດ້ຮັບຜົນກະທົບໜັກຈາກນໍ້າໄພຖ້ວມ ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
Comments