ສາຍ​ການ​ບິນລາວ ຍັງຄົງປິດໃຫ້ບໍລິການໂດຍບໍ່ມີກຳນົດ

ສາຍ​ການ​ບິນລາວທັງພາຍໃນ ແລະ ຕ່າງປະເທດຍັງຄົງປິດໃຫ້ບໍລິການໂດຍບໍ່ມີກຳນົດ

​ຕາມ​ການ​ລາຍ​ງານ​ຂອງ​ເວັດ​ໄຊ muan.la ໃຫ້​ຮູ້​ວ່າ ການບິນລາວ ຢັ້ງຢືນເມື່ອອາທິດທີ່ຜ່ານມາວ່າ ໄດ້ຍົກເລີກແຜນທີ່ຈະເປີດການບິນພາຍໃນປະເທດໃນວັນທີ 8 ພຶດສະພາ ພ້ອມດຽວກັນເສັ້ນທາງລະຫວ່າງປະເທດກໍຍັງບໍ່ທັນມີກຳນົດເປີດໃຫ້ບໍລິການເຊັ່ນກັນ.

ພາບ: muan.la

ເຈົ້າໜ້າທີ່ສາຍການບິນກ່າວວ່າ ການຕັດສິນໃຈເລື່ອນການເປີດໃຫ້ບໍລິການອອກໄປອີກ ເປັນສ່ວນໜຶ່ງຂອງມາດຕະການໃນການຄວບຄຸມການແພ່ລະບາດຂອງພະຍາດໂຄວິດ-19. ພ້ອມນີ້ ມີການລາຍງານເມື່ອວັນພະຫັດທີ່ຜ່່ານມາໃນກຸ່ມ Tourism Professionals in Laos ກ່າວວ່າ ແຫຼ່ງທ່ອງທ່ຽວພາຍໃນແຂວງຫຼວງພະບາງກໍຍັງຄົງບໍ່ທັນເປີດໃຫ້ບໍລິການຕໍ່ໄປ. ບົດລາຍງານກ່າວວ່າ ອຳນາດການປົກຄອງໄດ້ແນະນຳໃຫ້ແຫຼ່ງທ່ອງທ່ຽວທັງໝົດ ແລະ ບໍລິການທີ່ກ່ຽວຂ້ອງສືບຕໍ່ປິດການດຳເນີນການເພື່ອຫຼຸດຜ່ອນຄວາມສ່ຽງໃນການແພ່ລະບາດຂອງພະຍາດ. ແນວໃດກໍຕາມ, ໂຮງແຮມ, ເຮືອນພັກ ແລະ ຣີສອດ ລວມທັງຮ້ານອາຫານຕ່າງໆໃນຫຼວງພະບາງແມ່ນໄດ້ເປີດໃຫ້ບໍລິການແລ້ວ ອີງຕາມຂໍ້ມູນຈາກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ແລະ ອື່ນໆ ທັງນີ້ ບັນດາຮ້ານອາຫານ ແລະ ໂຮງແຮມຕ່າງໆ ຕ້ອງປະຕິບັດມາກຕະການປ້ອງກັນຢ່າງເຂັ້ມງວດ ໂດຍການກວດກາອຸນຫະພູມຮ່າງກາຍຂອງພະນັກງານ ແລະ ລູກຄ້າ. ພະນັກງານທັງໝົດ ແລະ ລູກຄ້າຕ້ອງໃສ່ຜ້າອັດປາກ-ດັງ, ມີເຈວແອວກໍຮໍສຳລັບລ້າງມື ແລະ ອ່າງລ້າງມືໃຫ້ແກ່ແຂກທຸກຄົນ. ການ​ບິນ​ລາ​ວ​ທັງພາຍໃນ ແລະ ຕ່າງປະເທດປິດບໍລິການໂດຍບໍ່ມີກຳນົດ

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Facebook Doodido