ສ້າງສື່ການຮຽນ-ການສອນຜ່ານໂທລະພາບ ແລະສື່ອອນລາຍ
- Superphil Phil
- Apr 6, 2020
- 1 min read
ກະຊວງສຶກສາທິການ ແລະ ກີລາ ຜະລິດສື່ການຮຽນ-ການສອນ ເຜີຍແຜ່ຜ່ານໂທລະພາບ ແລະສື່ອອນລາຍ
ອີງຕາມຄຳສັ່ງ ແລະ ນະໂຍບາຍ ຂອງທ່ານນາຍຍົກລັດຖະມົນຕີ, ໃຫ້ທຸກຂະແໜ່ງການຕ່າງໆ ທັງພາກລັດ ແລະ ເອກະຊົນ, ໂຮງຮຽນທຸກແຫ່ງຕ້ອງໄດ້ພັກ ແລະ ຫາກ ມີເງືອນໄຂ ສາມາຮຽນຜ່ານສື່ ອອນລາຍໄດ້ກໍ່ໃຫ້ພາກັນຈັດຕັ້ງປະຕິບັດ.
ດັ່ງນັ້ນ, ສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ ຈັດຕັ້ງປະຕິບັດຜະລິດສື່ການຮຽນການສອນອອນລາຍ ໄລຍະພັກຮຽນ ເພື່ອປ້ອງກັນ, ສະກັດກັ້ນການແຜ່ລະບາດພະຍາດ ໂຄວິດ-19, ເຊິ່ງເລີ່ມຖ່າຍທໍາແຕ່ວັນທີ 23 ມີນາ -21 ເມສາ 2020 (ພັກ 12-20 ເມສາ 2020).
ສໍາລັບສື່ການຮຽນການສອນທີ່ຜະລິດໃນຄັ້ງນີ້, ປະກອບມີ ວິຊາຄະນິດສາດ, ພາສາລາວ ຊັ້ນ ປ.1 ແລະ ຜະລິດ ສື່ວິຊາພາສາລາວ, ຄະນິດສາດ, ພາສາອັງກິດ ຊັ້ນ ປ.3, ປ.4, ແລະ ປ.5 ຜ່ານລາຍການໂທລະພາບສຶກສາກີລາ
ນອກຈາກນີ້, ຍັງຈະມີການອັບໂຫຼດລົງສື່ອອນລາຍ ເຊັ່ນເຟສບຸກເພຈ Edu-sport TV online ແລະ ສະຖາບັນຄົ້ນຄວ້າວິທະຍາສາດການສຶກສາ
ຕິດຕາມການເຄືອນໄຫວເຫດການເລື່ອງທຸລະກິດ ແລະ ເຫດການຕ່າງໆທີ່ໜ້າສົນໃຈໃນລາວໄດ້ທີ່ Facebook Doodido
Comentários