ວັດເມືອງກາງ ວັດເກົ່າແກ່ທີ່ສຸດໃນເມືອງຈຳປາສັກ
- Superphil Phil
- Mar 18, 2020
- 1 min read
ວັດເມືອງກາງ ວັດເກົ່າແກ່ທີ່ສຸດໃນເມືອງຈຳປາສັກ ຄວາມງາມຈາກສວ່ນປະສົມຂອງສິລະປະຕາເວັນອອກສຽງໃຕ້ ແລະ ຕາເວັກຕົກ
ອາຄານ ຫໍໄຕປິດົກ
ວັດເມືອງກາງ Wat Muang Kang ຫຼື ເອີ້ນອີກຊື່ໜື່ງວ່າ ວັດພຸດທະວັນນາຣາມ ເປັນວັດທີ່ເກົ່າແກ່ທີ່ສຸດຢູ່ໃນ ເມືອງຈຳປາສັກ ແຂວງຈຳປາສັກ ສ້າງຂື້ນໃນສັດຕະວັດທີ 19, ວັດທີ່ສຳຄັນ ແລະ ໜ້າປະທັບໃຈແຫ່ງນີ້ ເປັນສັນນາລັກແຫ່ງຄວາມຈະເລີນຮຸ່ງເຮືອງທາງພຸດທະສາດສະໜາຂອງດິນແດນແຫ່ງນີ້ປະກອບມີອາຄານ 5 ຫຼັງ ເຊິ່ງເປັນຮູບແບບສິລະປະ ປະສົມປະສານລະຫວ່າງ ຮູບແບບຕາເວັນຕົກ ປະສົມຫວຽດນາມ, ລາວ, ສະຫຍາມ ແບບດັ່ງເດີມ ທີ່ມີເອກະລັກສະເພາະ ແລະ ໄດ້ຮັບອິດທິພົນຈາກສ ສະຖາປັດຕະຍະກຳສະຫຍາມ ແລະ ຂອມ. ວັດແຫ່ງນີ້ຕັ້ງຢູ່ ລຽບໄປຕາມແຄບຝັ່ງ ແມ່ນໍ້າຂອງ.
ພາບ: laosjourney.com
ອາຄານ ກຸດຕິ ເຮັດດ້ວຍໄມ້ເນື້ອແຂງ
ວັດພຸດທະວັນນາຣາມ (ວັດເມືອງກາງ) ໄດ້ຮັບການກໍ່ຕັ້ງຂຶ້ນມາໄດ້ປະມານ 500 ກວ່າປີ, ໃນປີ ພສ 2042 “ຄສ 1499” ເປັນວັດທີ່ມີຄວາມຮຸ່ງເຮືອງ ສີວິໄລມາແຕ່ບູຮານ, ເປັນສູນກາງທາງດ້ານພຸດທະສາສະໜາໃນສະໄໝກ່ອນ, ເປັນບ່ອນສຶກສາຄົ້ນຄວ້າ-ຮໍ່າຮຽນຂອງ ພຣະສົງສຳມະເນນ, ສິດສານຸສິດ, ອອກຕົນຍາດໂຍມ. ຫໍພະໄຕປີດົກ ເປັນບ່ອນຢັ້ງຢືນ ແລະ ເປັນຫຼັກຖານສຳຄັນ ທີ່ສະແດງເຖິງການເປັນສູນກາງການຮຽນຮູ້ຕ່າງໆ ໃນທາງທຳ ແລະ ທາງໂລກ, ພາຍຫລັງທີ່ວັດພູຈຳປາສັກ ແລະ ພື້ນທີ່ອ້ອມຮອບ ໄດ້ຮັບການຈົດທະບຽນເຂົ້າປັນມໍລະດົກໂລກ ໂດຍອົງການ ອຸຍແນສໂກ, ວັດດັ່ງກ່າວ ກໍ່ໄດ້ກາຍເປັນສ່ວນໜຶ່ງຂອງອົງປະກອບທາງມໍລະດົກ.
ພາບ: laosjourney.com
ອາຄານ ກຸດຕິ ທີ່ສ້າງໂດຍນຳໃຊ້ເຕັກນິກພື້ນເມືອງ ໂດຍໃຊ້ຝາກະແຕະໄມ້ໄຜ່ ໂດຍມີການໃຊ້ດິນປະສົມກັບຂີ້ງົວອັດຫຸ້ມ.
ພາບ: laosjourney.com
ອາຄານ ຫໍແຈກ
ມາຮອດປະຈຸບັນນີ້ ອາຄານດັ່ງກ່າວໄດ້ຊຸດໂຊມໄປຕາມການເວລາ, ບາງຫຼັງກໍ່ບໍ່ສາມາດນຳໃຊ້ໃນກິດຈະວັດທາງສົງກໍ່ຄືທາງໂລກໄດ້, ດັ່ງນັ້ນ ໃນວັນທີ 1 ທັນວາ 2018 ອຳນາດການປົກຄອງເມືອງ, ປະທານ ອພສ ແຂວງ, ອພສ ເມືອງ, ເຈົ້າອະທິການວັດ, ອຳນາດການປົກຄອງບ້ານຕະຫລອດຮອດພໍ່ແມ່ປະຊາຊົນ, ຜູ້ປະກອບການທຸລະກິດ, ຜູ້ເປັນລູກຫລານພາຍໃນບ້ານ ເປີດກອງປະຊຸມເພື່ອປຶກສາຫາລື ເພື່ອເປີດໂຄງການບູລະນະປະຕິສັງຂອນ ວັດແຫ່ງນີ້ ໃຫ້ຄົງຢູ່ເປັນມໍລະດົກຂອງທ້ອງຖິ່ນ ກໍຄືຂອງຊາດ ໃຫ້ຄຽງຄູ່ກັບພະພຸດທະສາສະໜາ ແລະ ບ້ານເມືອງສືບຕໍ່ໄປ. ນະໂອກາດນີ້ຂໍເຊີນຊວນທຸກທ່ານຜູ້ທີ່ມີຈິດໃຈໃສສັດທາຢາກຮ່ວມທືນຮອນເພື່ອປະຕິສັງຂອນວັດດັ່ງກວ່າດ້ວຍ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments