ລາວ ພົບຜູ້ຕິດເຊື້ອໂຄວິດ-19 ເພີ່ມອີກ ລວມເປັນ 3 ກໍລະນີແລ້ວ
- Superphil Phil
- Mar 25, 2020
- 1 min read
ຫຼັງຈາກທີ່ສາທາອອກມາຢືນຢັນວ່າ ສປປ ລາວ ພົບຜູ້ຕິດເຊື້ອໂຄວິດ-19 ໃນລາວ ຈໍານວນ 2ກໍລະນີ ໃນວັນທີ 24 ມີນາ 2020 ທີ່ຜ່ານມາ, ຫຼ້່າສຸດ ມື້ິນີ້ ກະຊວງສາທາລະນະສຸກຖະແຫຼງອີກຄັ້ງ ພົບຜູ້ຕິດເຊື້ອອີກ 1ກໍລະນີ ໂດຍຜູ້ກ່ຽວມີປະຫວັດຮ່ວມຮັບປະທານອາຫານກັບຜູ້ຕິດເຊື້ອທີ່ເປັນພະນັກງານຢູ່ໂຮງແຮມແຫ່ງໜຶ່ງຂອງລາວ ໃນນະຄອນຫຼວງວຽງຈັນ.
ພາບ: laoedaily.com.la
ວັນທີ 25 ມີນາ 2020 ກະຊວງສາທາະລະນະສຸກ ຈັດພິທີຖະແຫຼງຂ່າວ ກ່ຽວກັບການລະບາດຂອງພະຍາດໂຄວິດ-19, ເຊິ່ງ ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກໄດ້ຢືນຢັນຢ່າງເປັນທາງການແລ້ວ ວ່າພົບຜູ້ຕິດເຊື້ອໂຄວິດ-19 ໃນລາວເພີ່ມອີກ 1ກໍລະນີ, ລວມທັງໝົດຕອນນີ້ມີ 3 ກໍລະນີແລ້ວ, ນອກນີ້ຍັງມີຜູ້ໄດ້ໄດ້ສຳຜັດກັບຜູ້ຕິດເຊື້ອລວມແລ້ວ 100 ກວ່າຄົນທີ່ຕ້ອງໄດ້ກັກບໍລິເວນ ເພື່ອຕິດຕາມອາການນັບຈາກນີ້.
ພາບ: laopost.com
ນອກນັ້ນສຳນັກຂ່າວສານປະເທດລາວລາຍງານໃຫ້ຮູ້ວ່າ ໃນເວລາ 12:30 ນາທີ ຂອງວັນທີ 25 ມີນາ ນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະສະເພາະກິດ ໄດ້ຖະແຫຼງຂ່າວຕໍ່ສື່ມວນຊົນ ກຽວກັບການລະບາດຂອງເຊື້ອ ໂຄວິດ-19 ໃນນັ້ນ ມີຜູ້ຕິດເຊື້ອ 3 ຄົນ, ລັດຖະບານຈະເພີ່ມມາດຕະການເຂັ້ມງວດຄື:
ຈະເພີ່ມທະວີຕິດຕາມແຮງງານທີ່ກັບມາຈາກປະເທດເພື່ອນບ້ານເພື່ອຄຸ້ມຄອງໃຫ້ເຂັ້ມງວດກັກຕົນເອງ ພາຍໃນ 14 ວັນ;
ຂໍໃຫ້ປະຕິບັດຫຼັກການຈໍາກັດບໍລິເວນຕົນເອງຕາມຫຼັກການແພດວາງອອກ ແລະ ກວດກາເປັນປົກກະຕິ;
ໃຫ້ທຸກພາກສ່ວນ ຕິດຕາມການເຄື່ອນໄຫວຂອງສຳນັກງານ ໃຫ້ຢຸດຕິການປະຊຸມ ແລະ ການຊຸມນຸມທີ່ຄົນຢູ່ຈຳນວນຫຼາຍ ຖ້າມີຄວາມ4. ສາມາດເຮັດວຽກຢູ່ເຮືອນ ຜ່ານອອນລາຍ ກໍໃຫ້ຈັດຕັ້ງປະຕິບັດໄດ້;
ການເດີນທາງໄປມາລະຫວ່າງກັນຄື ບ້ານຕໍ່ບ້ານ; ເມືອງຕໍ່ເມືອງ ຫຼືຕໍ່ສຳນັກງານແມ່ນໃຫ້ຫຼຸດຜ່ອນ ໂດຍການໂທລະສັບຫາກັນ;
ຖ້າພົບອາການຜິດປົກກະຕິໃຫ້ຮີບຮ້ອນໂທຫາແພດ ໂດຍສາຍດ່ວນ 166
ຄະນະສະເພາະກິດຈະໄດ້ອອກຂໍ້ກຳນົດຕື່ມອີກເພື່ອໃຫ້ສັງຄົມປະຕິບັດຢ່າງເຂັ້ມງວດ ທັງນີ້ກໍເພື່ອປົກປັກຮັກສາ ຊີວິດປະຊາຊົນ ແລະ ຮຽກຮ້ອງ ສັງຄົມໃຫ້ຮ່ວມມືກັນ.
ຕິດຕາມການເຄືອນໄຫວເຫດການເລື່ອງທຸລະກິດ ແລະ ເຫດການຕ່າງໆທີ່ໜ້າສົນໃຈໃນລາວໄດ້ທີ່ Facebook Doodido
Comments