ມາເຂົ້າໃຈລະອຽດກ່ຽວກັບຄຳສັບ “ລຸ້ນ” ກັນເທາະ

ຈາກເຟ​ສ​ບຸກ ເພ​ຈ ພາ​ສາ​ລາວ​​ໄດ້​ພົບ​ເຫັນ​ຫົວ​ຂໍ້​ອະ​ທີ່​ບາຍ​ຄຳ​ວ່າ​ ລຸ້ນ​ ໄວ້​ຢ່າງ​ໜ້າ​ສົນ​ໃຈ​, ເຊິງ​ມີ​ເນື້ອ​ຫາ​ດັ່ງ​ລຸ່ມ​ນີ້:

“ຢາກໄດ້ລຸ້ນໃດນໍ, ອ້າຍ?” ສຽງຫວານໆ­ຂອງຜູ້ຂາຍໃນຮ້ານຂາຍໂທລະ­ສັບມືຖືຖາມລູກຄ້າທີ່ພວມຊອກຫາມືຖືທີ່ຖືກໃຈ.

“ເຈົ້າ­ຊິລຸ້ນທີມໃດ ລະ­ຫວ່າງ­ທີມ­ຊາດແອັສປາຍ­ກັບທີມ­ຊາດເຢຍລະ­ມັນ?” ນັກເຊຍບານເຈົ້າເກົ່າເວົ້າກັບໝູ່ຂອງລາວ.

“ໂຕບໍ່ຢາກລຸ້ນໂຊກນໍາເຂົາ­ຫວະ­?” ຊາຍໜຸ່ມງ­ວາກຫນ້າຖາມໝູ່ທີ່­ຢູ່ທາງຂ້າງພ້ອມກັບເລືອກໃບຫວຍທີ່ວາງຢູ່ຕໍ່ໜ້າ.

ຈາກຄໍາເວົ້າ­ຄໍາວ່າທີ່ຍົກມາຂ້າງເທິງ ເຮົາຈະ­ເຫັນໄດ້ວ່າ ຄໍາວ່າ “ລຸ້ນ” ໄດ້­ຖືກນໍາໃຊ້ຢູ່ໃນຫຼາຍຄວາມໝາຍ­ດັ່ງນີ້:

ລຸ້ນ 1 ໃຊ້ໃນຄວາມໝາຍ “ຮຸ່ນ” ໄວຢ່າງເຂົ້າ­ສູ່ໄວບ່າວສາວ

ລຸ້ນ 2 ໃຊ້ໃນຄວາມໝາຍ “ຮຸ່ນ” ສະ­ໄໝຂອງຄົນ­ທີ່ກໍານົດເປັນໄລຍະ­

ລຸ້ນ 3 ໃຊ້ໃນຄວາມໝາຍ “ຮຸ່ນ” ສະ­ໄໝຂອງສິ່ງຂອງທີ່ກໍານົດເປັນໄລຍະ­

ລຸ້ນ 4 ໃຊ້ໃນຄວາມໝາຍ “ເອົາໃຈຊ່ອຍ”

ລຸ້ນ 5 ໃຊ້ໃນຄວາມໝາຍ “ສ່ຽງ”

ຫາກພວກເຮົາເປີດວັດຈະ­ນານຸກົມລາວແຕ່ລະ­ເຫຼັ້ມເບິ່ງ ກໍຈະ­ບໍ່ເຫັນຄໍາວ່າ “ລຸ້ນ” ມີແຕ່ຄໍາວ່າ “ຮຸ່ນ”. ດັ່ງ­ນັ້ນ ໃນເວລາຂຽນໃນຂໍ້ 1-3 ເຮົາຄວນໃຊ້­ຄໍາວ່າ “ຮຸ່ນ” ຈະ­ດີກວ່າ ເພື່ອຮັກ­ສາຄໍາເດີມລາວແທ້ຂອງເຮົາ.

ສ່ວນໃນຂໍ້ 4-5 ນັ້ນ ຖືວ່າແມ່ນຄໍາ­ພ້ອມ­ສຽງ “ລຸ້ນ” ທີ່ມີຄວາມໝາແຕກຕ່າງ ເຊິ່ງ­ຫາກໍຖືກນໍາເຂົ້າມາໃສ່ໃນສໍານວນຄໍາເວົ້າ­ຂອງລາວເຮົາເມື່ອປະມານສິບ­ປີມານີ້ເອງ. ຄວາມຈິງແລ້ວ ຄໍາວ່າ “ລຸ້ນ” ໃນຄວາມໝາຍວ່າ “ເອົາໃຈຊ່ອຍ” ແມ່ນມາຈາກພາ­ສາຈີນແຕ້ຈິ໋ວ ເຊິ່ງ­ສື່ມວນຊົນຝ່າຍກິລາໄທໄດ້ນໍາມາໃຊ້; ຈາກນັ້ນ “ລຸ້ນ” ກໍຖືກນໍາມາໃຊ້ເຂົ້າໃນວົງການໂຄສະ­ນາທຸລະ­ກິດ ເຮັດໃຫ້ຄໍານີ້ມີຄວາມໝາຍກາຍເປັນ “ສ່ຽງ” ໃນທີ່ສຸດ. ຍ້ອນອິດ­ທິພົນ­ທາງສື່ໜັງ­ສືພິມ ແລະ­ໂທລະ­ພາບປະເທດເພື່ອນບ້ານ ເຮັດໃຫ້ບັນ­ດາສື່ມວນຊົນລາວ ໄດ້­ຮັບ­ຜົນກະ­ທົບ ຄໍາວ່າ “ລຸ້ນ” ໃນຄວາມໝາຍ “ເອົາໃຈຊ່ອຍ” ແລະ­ “ສ່ຽງ” ກໍແຜ່ກະຈາຍໄປທົ່ວທຸກ­ການໂຄສະ­ນາ­ທັງທາງໜ້າໜັງ­ສືພິມ, ວາ­ລະ­ສານ ຕະ­ຫຼອດຮອດ­ວິທະ­ຍຸ-ໂທລະ­ພາບ…

ປັດ­ຈຸບັນນີ້ ຄໍາວ່າ “ສ່ຽງໂຊກ” ໄດ້ຄ່ອຍໆ­ຕາຍໄປ ໂດຍການເຂົ້າມາແທນທີ່ຂອງຄໍາວ່າ “ລຸ້ນໂຊກ”

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Facebook Doodido

ແຫລ່ງ​ທີ່​ມາ​: fb ພາສາລາວ