ມາ​ຮູ້​ຈັກທີ​່​ມາ​ຂອງ​ ຣາຊຣົຖທີປະດິດສະຖານແຫ່ພຣະບາງ.

ມາ​ຮູ້​ຈັກທີ​່​ມາ​ຂອງ​ ຣາຊຣົຖທີປະດິດສະຖານແຫ່ພຣະບາງ.  ຫລັງຈາກທີສາທຸໃຫຍ່ ຄຳຈັນ ວິຣະຈິດຕະ ມະຫາເຖຣະ ມໍຣະນະພາບລົງ ເມືອວັນທີ 09 ກໍລະກົດ 2007 ແລ້ວ. ຕໍ່ມາໃນປີ 2011 ທ່ານບຸນເພັງ ສີອຸດົມພັນ ຕອນ ສາທຸພໍ່ບຸນເພັງ ວິຣະທັມໂມ ຍັງບໍ່ທັນໄດ້ບວດ ໄດ້ມີແນວຄິດຢາກສ້າງຣາຊຣົຖ ຂຶ້ນໂດຍໄດ້ແນວຄິດຈາກຮູບພາບ ຂອງຣາຊຣົຖຈຳລອງ ທີຢູ່ໃນພຣະຣາຊວັງ (ຫໍພິພິຕະພັນ ຫລວງພຣະບາງ ) ທີເຄີຍມີມາຫລາຍຮ້ອຍປີແລ້ວ ຫລັງຈາກນັ້ນກໍບໍ່ເຫັນມີ ເພາະໃນສະໄຫມເຈົ້າສີສະຫວ່າງວົງ ແລະສີສະຫວ່າງວັດທະນາ ພິທີແຫ່ພຣະບາງລົງຫົດສົງ ເພິ່ນກໍ່ມີທະຫານມະຫາດເລັກ ຫາມຜາສາດ ໂດຍບໍ່ມີຣາຊຣົຖ.

ພາບ: laoedaily.com.la

    ຣາຊຣົຖ ທີເຫັນໃນປະຈຸບັນນີ້ ແມ່ນທ່ານບຸນເພັງ ສີອຸດົມພັນ ແມ່ນໄດ້ຂໍອະນຸຍາດຈາກທາງແຂວງຫລວງພຣະບາງ ແລ້ວຊອກຫາທິນຮອນໃນການສ້າງທັງຣາຊຣົຖແລະຜາສາດ ຕົກເປັນເງິນ ປະມານ 180 ລ້ານກີບ ແລະສ້າງແລະແລ້ວ ໃນປີ 2011ໂດຍໃຫ້ທ່ານ ສຸຮິຍາ ຂັດຕິຍະຣາຊ ເປັນຜູ້ອອກແບບ ໂດຍກຳກັບກວດແກ້ ໂດຍທຸເຈົ້າລຸງມະນີ ຂັດຕິຍະຣາຊ, ນອກຈາກຣາຊຣົຖແລະຜາສາດຂອງພຣະບາງແລ້ວ ເພິ່ນຍັງສ້າງ ຣາຊຣົຖຫວໍອີກນຳ ເຊິ່ງຕົກເປັນມູນຄ່າ ປະມານ 94 ລ້ານກີບ. ຕົກມາຮອດປີ 2013 ທ່ານບຸນເພັງ ສີອຸດົມພັນ ກໍ່ເຂົ້າບວດເປັນພຣະພິກຂຸ ທີວັດແສນ ສຸຂາຣາມ ແລ້ວ ຂົນຂວາຍທິຶນຮອນ ຈາກນ້ອງສາວ ນາງບົວຈີນ ວິສີສົມບັດ ເພື່ອໃຫ້ຊ່ອຍອອກທຶນໃນການສ້າງ ຣົຖຫວໍ ໃຫ້ວັດແສນ ສຸຂາຣາມ ຕົກເປັນມູນຄ່າ 150 ລ້ານກີບ. ນັບທີສາທຸພໍ່ ບຸນເພັງ ເພິ່ນບວດເປັນພຣະພິກຂຸສົງມາ ເພິ່ນກໍ່ໄດ້ເປັນຜູ້ນຳຫນ້າພາທາງ ໃນການສ້າງສາພັດທະນາ ໂດຍສະເພາະກໍ່ແມ່ນ ຜາສາດ. ທຳມາດ , ສະພັງ ( ບ່ອນສົງນ້ຳພຣະພຸດທະຮູບ ) ຮາງລິນສົງນ້ຳພຣະ ແລະສົງນ້ຳພຣະສົງ , ອາດສະນະສົງ, ກະລໍ ( ໂປ່ງ ) ກອງ… ເພື່ອແຈກຍາຍ ໃຫ້ແກ່ບັນດາວັດຕ່າງໆ ທົ່ວປະເທດ ເລື້ອຍໆມາ ເຊັ່ນ ທຳມາດ ຮາງລິນ ທີອາດສົງ … ຂອງວັດອົງຕື້ ມະຫາວິຫານ ວັດທາດຫລວງ ວັດຊຽງແວ່…ເປັນຕົ້ນ. ທີ​່ໄປ​ທີ່ມາຂອງ ຣາຊຣົຖທີປະດິດສະຖານແຫ່ພຣະບາງ ຫຼວງ​ພະ​ບາງ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Doodido.