ພະທາດໂຜ່ນ ອົງພະທາດສັກສິດແຫ່ງໄຊພູທອງ
- Superphil Phil
- Mar 26, 2020
- 1 min read
ປະຫວັດຄວາມເປັນມາຂອງ ພະທາດໂຜ່ນ ອົງພະທາດສັກສິດ ແຫ່ງໄຊພູທອງ
ຫາກໃຜໄດ້ໄປທາງ ເມືອງໄຊພູທອງ, ແຂວງສະຫວັນນະເຂດ, ຢາກໃຫ້ທ່ານລອງໄປທ່ຽວຊົມເບິງທາດທີ່ມີຄວາມສວາຍງາມ ແລະ ປະຫວັດຄວາມເປັນມາທີ່ເກົ່າແກ່ ແລະ ຍາວນານ, ເຊິງທາດໂຜ່ນ ແມ່ນທາດໜຶ່ງ ທີ່ມີຄວາມສັກສິດ ແລະ ເປັນທີ່ເພິ່ງຂອງສາທະລະນະຊົນທັງຫລາຍ ທາດນີ້ຕັ້ງຢູ່ ບ້ານທາດໂຜ່ນ, ເມືອງໄຊພູທອງ ແຂວງ ສະຫວັນນະເຂດ ແລະ ມີຕໍານານ ຈາກການເລົ່າຂານກັນມາ;
ກາລະຄັ້ງໜຶ່ງ ພຣະສັມມາສັມພຸດທະເຈົ້າ ໄດ້ສະເດັດມາ ຈາກເມືອງຫລ້ານໍ້າ ພຣະອົງ ນັ້ນຊື່ວ່າ: ເວສາລີ; ໄດ້ມາສະແດງ ທັມມະໂຜດມະນຸດທັງຫລາຍ ຢູ່ທີ່ໂພນຊ້າງສານ ເຖິງ 7 ຄືນ, ມີເທວະດາ, ມະນຸດ, ອະມະນຸດ ຟັງທັມມະເທດສະໜາ ເປັນຈໍານວນຫຼວງຫລາຍ.
ຮູບພາບ ແລະ ຂໍ້ມູນ ໂດຍ : Anousone Manisouk ເກັບກໍາຂໍ້ມູນໂດຍ :ລາວ Temple
ເມື່ອເຖິງ 7 ວັນແລ້ວ ພຣະອົງ ກໍ່ປວດທວານໜັກ ພໍພຣະອົງນຶກພຽງເທົ່ານັ້ນ ກໍ່ມີພະຍານາກ ທີ່ຢູ່ໃນຖໍ້າ ຂຶ້ນມາເນລະມິດ ສ້າງເວຈາກິດຕິ (ທາຕຸ) ໃຫ້ພຣະອົງ ແລ້ວພຣະອົງ ກໍ່ສົ່ງທວານໜັກທີ່ນັ້ນ ເພື່ອເປັນບ່ອນ ຫລືສະຖານທີຂາບໄຫວບູຊາ ໃຫ້ຣະນຶກເຖິງການມາເຖິງດິນແດນແຫ່ງນີ້ຂອງພຣະອົງໄວ້ໃນພາຍພາກໜ້າ, ເມື່ອສໍາເຣັດດພຸດທະກິດແລ້ວ ກໍສະເດັດຈາກຈາກໄປ.
ຮູບພາບ ແລະ ຂໍ້ມູນ ໂດຍ : Anousone Manisouk ເກັບກໍາຂໍ້ມູນໂດຍ :ລາວ Temple
ສະນັ້ນ ຄົນທັງຫລາຍຈຶ່ງເອີ້ນ ພຣະທາດອົງນີ້ວ່າ: “ ທາດໂຜ່ນ ” ຕໍ່ມາຫລາຍປີຈົນຮອດ ສະໄໝລ້ານຊ້າງຊຽງທອງ ສະເຫວີ+ຍຣາຊະສົມບັດ ໂດຍສົມເດັດພຣະເຈົ້າ ພຸດທະວົງສາ ໄດ້ມີສັດທາ ພ້ອມໄພ່ຟ້າຂ້າແຜນດິນກໍ່ໄດ້ສ້າງ ພຣະໂຜ່ນອົງນີ້ຂຶ້ນ ເພື່ອໄວ້ເປັນທີ່ບູຊາ, ພຣະທາດໂຜ່ນນີ້ ໄດ້ມີລູກທາດ ອ້ອມຢູ່ຖານລຸ່ມ ມີ 7 ໜ່ວຍ, ສ້າງເມື່ອເດືອນ 12 ວັນພຸດ ພສ 235.
ຮູບພາບ ແລະ ຂໍ້ມູນ ໂດຍ : Anousone Manisouk ເກັບກໍາຂໍ້ມູນໂດຍ :ລາວ Temple
ຕໍ່ມາສະໄໝພຣະຍາຊຽງດົງ-ຊຽງທອງ, ໄດ້ຖະຫວາຍດິນເປັນທັມມະທານ ເພື່ອເປັນເຂດແດນ ຂອງພຣະທາດໂຜ່ນແລ້ວ ໄດ້ຢາດນໍ້າໝາຍທານຕັ້ງອະທິຖານໄວ້ວ່າ: ຖ້າຜູ້ໃດຕັ້ງຖິ່ນຖານ ສ້າງເຮືອນ, ສ້າງໄຮ ທໍານາໃນຂອບເຂດດິນ ຂອງພຣະທາຕຸໂຜ່ນແຫ່ງນີ້ຕ້ອງໄດ້ບູຣະນະ ຣິຈນາ ຮັກສາ ປະຕິບັດເຄົາຣົບຂາບໄຫວ້ ຕາມລະດູການ ບໍ່ໃຫ້ຂາດທຸກໆປີ.
ຮູບພາບ ແລະ ຂໍ້ມູນ ໂດຍ : Anousone Manisouk ເກັບກໍາຂໍ້ມູນໂດຍ :ລາວ Temple
ຕິດຕາມການເຄືອນໄຫວເຫດການເລື່ອງທຸລະກິດ ແລະ ເຫດການຕ່າງໆທີ່ໜ້າສົນໃຈໃນລາວໄດ້ທີ່ Facebook Doodido
留言