ພິທີມອບ-ຮັບໜ້າທີ່ ຜູ້ອໍານວຍການ ລັດວິສາຫະກິດໄຟຟ້າລາວຄົນໃໝ່.
- Superphil Phil
- Jun 19, 2020
- 1 min read
ພິທີມອບ-ຮັບໜ້າທີ່ ຜູ້ອໍານວຍການ ລັດວິສາຫະກິດໄຟຟ້າລາວຄົນໃໝ່. ຕາມທີ່ເປັນກະແສຂ່າວຢ່າງໜັກຊ່ວງພະຍາດລະບາດໂຄວິດ 19, ລັດຖະບານມີນະໂຍບາຍໃຫ້ອ້າຍນ້ອງທະຫານພະນັກງານຕຳຫລວດ ແລະ ແຮງງານທຸກຄົນຢູ່ບ້ານເພື່ອປ້ອງກັນຕ້ານພະຍາດນີ້, ເຮັດໃຫ້ມີການຊົມໃຊ້ໄຟຟ້າຫລາຍຂື້ນປະຈວບເໝາະກັບການປ່ຽນແປງລາຄາຄ່າໄຟຟ້າເປັນອັດຕາດຽວກັນໝົດ, ເລີຍເຮັດໃຫ້ບາງພາກສ່ວນມີຄ່າໄຟເພີ່ມຂື້ນຫລາຍສວນທາງກັບນະໂຍບາຍຂອງນາຍຍົກລັດຖະມົນຕີເຮັດໃຫ້ຫລາຍຄົນບໍ່ພໍໃຈ. ກະແສດັ່ງກ່າວຍັງບໍ່ທັນຈົບ, ໃນວັນທີ 16 ມິຖຸນາ 2020 ນີ້, ຢູ່ທີ່ສໍານັກງານໃຫຍ່ ລັດວິສາຫະກິດໄຟຟ້າລາວ ນະຄອນຫຼວງວຽງຈັນ ໄດ້ມີພິທີປະກາດການຈັດຕັ້ງ ແລະ ມອບ-ຮັບໜ້າທີ່ຕໍາແໜ່ງໃໝ່ ຂອງຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ລະຫວ່າງ ທ່ານ ບຸນອູ້ມ ສີວັນເພັງ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ (ຜູ້ເກົ່າ) ທີ່ໄດ້ອອກກະສຽນບໍານານ ແລະ ແຕ່ງຕັ້ງ ທ່ານ ຈັນທະບູນ ສຸກອາລຸນ ເປັນຜູ້ວ່າການຜູ້ອໍານວຍການ ລັດວິສາຫະກິດໄຟຟ້າລາວ (ຜູ້ໃໝ່) ໂດຍການເຂົ້າຮ່ວມເປັນສັກຂີພະຍານຂອງ ທ່ານ ສົມດີ ດວງດີ ຮອງນາຍົກລັດຖະມົນຕີ ທັງເປັນ ລັດຖະມົນຕີກະຊວງການເງີນ ເຊິ່ງມີ ທ່ານ ປອ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມກັບແຂກທີ່ຖືກເຊີນ ເຂົ້າຮ່ວມ.
ລັດວິສາຫະກິດໄຟຟ້າລາວ ເປັນຫົວໜ່ວຍທຸລະກິດຂອງລັດ ດຳເນີນທຸລະກິດດ້ານການຜະລິດ, ຄຸ້ມຄອງ, ບໍລິການ ແລະ ພັດທະນາພະລັງງານໄຟຟ້າຕາມແນວທາງຂອງ ພັກ ແລະ ກົດໝາຍຂອງລັດ ຕາມກົນໄກຕະຫລາດ ເພື່ອສະໜອງກະແສໄຟຟ້າ ໃຫ້ແກ່ຜູ້ຊົມໃຊ້ໄຟຟ້າທັງພາຍໃນ ແລະ ຂາຍອອກຕ່າງປະເທດ ປະກອບສ່ວນຢ່າງຕັ້ງໜ້າເຂົ້າໃນການພັດທະນາ ເສດຖະກິດ-ສັງຄົມຂອງ ສປປ ລາວ ດ້ວຍຕົ້ນທືນຢ່າງສົມເຫດ ສົມຜົນ ຕອບສະໜອງຕໍ່ນະໂຍບາຍຂອງພັກ ແລະ ລັດຖະບານ ໂດຍຫັນເປັນອຸດສາຫະກຳທັນສະໄໝ. ລັດວິສາຫະກິດໄຟຟ້າ ລາວ-ມອບ ຮັບຕ່ຳແໜ່ງຜູ້ອໍານວຍການຄົນໃໝ່. ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments