ທ່ານຮອງນາຍົກ ລົງຕິດຕາມໂຄງການທາງດ່ວນ ວຽງຈັນ – ວັງວຽງ.
- Superphil Phil
- Jul 11, 2020
- 1 min read
ທ່ານຮອງນາຍົກ ລົງຕິດຕາມໂຄງການທາງດ່ວນ ວຽງຈັນ – ວັງວຽງ.
ໂຄງການກໍ່ສ້າງທາງດ່ວນວຽງຈັນ – ວັງວຽງໄດ້ສ້າງມາໄລຍະໜຶ່ງແລ້ວ, ເຊິງໂຄງການດັ່ງກ່າວນີ້ຄາດວ່າຈະໃຫ້ສຳເລັດໃນທ້າຍປະ 2020 ນີ້, ແລະ ເປັນໂອກາດອັນດີທີ່ທາງລັດຖະບານ ກໍ່ຄືປະຊາຊົນລາວທຸກຄົນ ກໍ່ມີຄວາມຕ້ອງການຢາກຮັບຮູ້ເຖິງຄວາມຄືບໜ້າຂອງການກໍ່ສ້າງເສັ້ນທາງນີ້ ແລະ ຫາກສຳເລັດຕາມແຜນການທີ່ວ່າໄວ້ຄິດວ່າປະຊາຊົນຫລາຍໆຄົນກໍຄົງຍິນດີ ແລະ ດີໃຈທີ່ຈະໄດ້ນຳໃຊ້ເສັ້ນທາງໃໝ່ນີ້.
ເນື່ອງໃນໂອກາດນີ້ ທາງດ້ານລັດຖະບານ ສປປ ລາວ, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ພ້ອມຄະນະ ໄດ້ລົງຢ້ຽມຢາມຕິດຕາມຄວາມຄືບໜ້າໂຄງການກໍ່ສ້າງທາງດ່ວນ ນະຄອນຫຼວງວຽງຈັນ – ວັງວຽງ ເມື່ອວັນທີ 6 ກໍລະກົດ ຜ່ານມາເພື່ອຊຸກຍູ້ການຈັດຕັ້ງປະຕິບັດໂຄງການ ເປັນກ່ຳລັງແຮງໃຈໃຫ້ການກໍ່ສ້າງໂຄງການດັ່ງກ່າວໄດ້ຮັບຜົນສຳເລັດດ້ວຍຄວາມຈົບງາມ,ໂດຍການຕ້ອນຮັບຂອງປະທານກຸ່ມບໍລິສັດກໍ່ສ້າງ – ລົງທຶນ ແລະ ຖືຫຸ້ນຈຳກັດ ແຂວງຢູນນານ ສປ ຈີນ ( ເປັນຜູ້ລົງທຶນ ).
ເສັ້ນທາງດັ່ງກ່າວແລ່ນຜ່ານ 65 ບ້ານ 4 ເມືອງ ຂອງແຂວງວຽງຈັນ ແລະ ນະຄອນຫຼວງວຽງຈັນ ເຊິ່ງເປັນໄລຍະທີ 1 ມີຄວາມຍາວປະມານ 109 ກິໂລແມັດ ມູນຄ່າລົງທຶນປະມານ 1,3 ຕື້ໂດລາສະຫະລັດ, ການອອກແບບອີງຕາມມາດຕະຖານເຕັກນິກທາງດ່ວນຂອງ ສປ ຈີນ, ມີ 4 ຄອງລົດແລ່ນ, ອຸມົງ 1 ແຫ່ງ ຍາວ 875 ແມັດ, ຂົວ 45 ແຫ່ງ ຄວາມຍາວປະມານ 2.400 ແມັດ, ຄວາມໄວອອກແບບ 100 – 120 ກິໂລແມັດຕໍ່ຊົ່ວໂມງ. ລັດຖະບານລົງຕິດຕາມໂຄງການທາງດ່ວນ ວຽງຈັນ – ວັງວຽງ
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comentarios