ດ່ານປະເພນີໂຄກແຮ່ ເມືອງສັງທອງ ຈັບແຮງງານລາວທີ່ລັກເຂົ້າປະເທດໂດຍບໍ່ຖືກຕ້ອງຕາມລະບຽບກົດໝາຍ 11 ຄົນ
- Superphil Phil
- May 12, 2020
- 1 min read
Updated: May 13, 2020
ຈັບແຮງງານລາວ ຢູ່ດ່ານປະເພນີໂຄກແຮ່ ເມືອງສັງທອງ ທີ່ລັກເຂົ້າ ປະເທດ ໂດຍບໍ່ຖືກຕ້ອງຕາມລະບຽບກົດໝາຍ ມີ 11 ຄົນ
ດັ່ງທີ່ເຮົາຮູ້ກັນດີແລ້ວວ່າ ໃນຊ່ວງພະຍາດລະບາດໂຄວິດ 19 ນີ້, ລັດຖະບານ ກໍ່ຄື ສປປ ລາວ ໄດ້ມີນະໂຍບາຍໃນການຕໍ່ຕ້ານ ແລະ ປ້ອງກັນໃນການລະບາດຂອງພະຍາດໂຄວິດ 19 ໂດຍຫ້າມການເຂົ້າອອກປະເທດ ແລະ ໃຫ້ແຕ່ລະດ່ານເຂັ້ນງວດກວດສອບເພື່ອຈຳກັດການແຜ່ເຊື້ອພະຍາດບໍ່ໃຫ້ຂະຫຍາຍເປັນວົງກ້ວາງອອກໄປ.
ພາບ: ປກສ ນວ
ໃນເວລາ 19: 00 ນາທີ ຂອງວັນທີ່ 04 ພຶດສະພາ 2020 ເຈົ້າໜ້າທີ່ ປກສ ເມືອງສັງທອງ ໄດ້ພົບເຫັນແຮງງານຄົນລາວທີ່ໄປອອກແຮງງານຢູ່ປະເທດເພື່ອນບ້ານ ໄດ້ເດີນທາງກັບເຂົ້າມາລາວ ຢູ່ດ່ານປະເພນີໂຄກແຮ່ ເມືອງສັງທອງ ໂດຍບໍ່ຖືກຕ້ອງຕາມລະບຽບກົດໝາຍ ມີ 11 ຄົນ; ໃນນັ້ນມີປະຊົນເມືອງສັງທອງ 10 ຄົນ ແລະ ແຂວງຫຼວງພະບາງ 1 ຄົນ; ປັດຈຸບັນນີ້ ເຈົ້າໜ້າທີ່ທຸກພາກສ່ວນໃນເມືອງສັງທອງ ໄດ້ນຳສົ່ງແຮງງານລາວຈຳນວນດັ່ງກ່າວ ໄປທີ່ສູນກັ່ນຕອງເຊື້ອໂຄວິດ 19, ຢູ່ຫຼັກ 27 ເປັນທີ່ຮຽບຮ້ອຍ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Commentaires