ຈາກນິທານສູ່ສະຖານທີ່ຈິງຖໍ້ານາງຜົມຫອມ
- Superphil Phil
- Apr 14, 2020
- 1 min read
ຖໍ້ານາງຜົມຫອມ ຫຼື ຖໍ້າຜາເມືອງ ຈາກເລື່ອງເລົ່າພື້ນບ້ານ ນິທານ “ນາງຜົມຫອມ”
ຈາກນິທານເລື່ອງເລົ່າທີ່ລືຊື່ ນາງຜົມຫອມ ທີ່ໄດ້ຍິນກັນມາຕັ້ງແຕ່ນ້ອຍຈົນໃຫຍ່ ແລະ ເປັນທີ່ກ່າວຂານການມາຫລາຍລຸ້ນຄົນ ເຊິງຫລາຍໆຄົນຄົງຍັງບໍ່ທັນມີໂອກາດມາສຳພັດສະຖານທີ່ທີ່ມີເລື່ອງເລົ່າຢູ່ໃນນິທານນັ້ນ, ຫາກມີໂອກາດໄດ້ໄປທ່ານຕ້ອງໄປທ່ຽວຊົມໃຫ້ເຫັນກັບຕາ.
ບໍລິຄັນ ກໍ່ເປັນອີກເມືອງໜຶ່ງທີ່ມີຈຸດເດັນດ້ານທີ່ຕັ້ງຍຸດທະສາດຂອງແຂວງ ເພາະວ່າມີເສັ້ນທາງເລກ 4B ຕັດຜ່ານ ແລະ ເຊື່ອມຕໍ່ໄປຫາແຂວງຊຽງຂວາງ ຈຶ່ງເປັນທ່າແຮງໄດ້ດີໃນການພັດທະຂອງພື້ນຖານໂຄງລ່າງຂອງເມືອງ ພ້ອມດຽວກັນນີ້ເມືອງດັ່ງກ່າວຍັງມີຄວາມອຸດົມສົມບຸນທາງດ້ານທຳມະຊາດ ບວກກັບຮິດຄອງປະເພນີທີ່ມີຄວາມຫຼາກຫຼາຍ ເຮັດໃຫ້ບໍລິຄັນກາຍເປັນເມື່ອງທີ່ໜ້າສົນໃຈຂອງນັກທ່ອງທ່ຽວຫຼາຍໆຄົນ.
ພາບ: bolikhamxay.gov.la
ຖໍ້າຜາເມືອງ ຫຼື ຜາສາດນາງຜົມຫອມ ກໍ່ເປັນອີກແຫຼ່ງທ່ອງທ່ຽວໜຶ່ງທີ່ມີຊື່ສຽງຂອງເມືອງ ມີທີ່ຕັ້ງຢູ່ບ້ານຜາເມືອງ ເມືອງບໍລິຄັນ ຫ່າງຈາກເທດສະບານເມືອງ ໄປຕາມເສັ້ນທາງເລກ 4B ປະມານ 45 ກິໂລແມັດ.
ເປັນແຫຼ່ງທ່ອງທ່ຽວແຫ່ງໜຶ່ງທີ່ມີເອກະລັກສະເພາະມີຄວາມສວຍງາມ ຕັ້ງສູງສະຫງ່າຢູ່ກາງທົ່ງນາ, ຢູຕາມຕີນຜາຈະຖືກອ້ອມຮອບດ້ວຍຕົ້ນໄມ້ໃຫ່ຍສີຂຽວສົດໃສ ແລະ ຈະມີໂຫງ່ນຫີນນ້ອຍໃຫ່ຍ ໃຫ້ນັ່ງພັກຜ່ອນຖ່າຍຮູບ ແລະ ສຳພັດກັບທຳມະຊາດທີ່ອຸດົມສົມບູນ ບວກກັບສາຍລົມເຢັນພັດມາເບົາໆ ເຮັດໃຫ້ຜູ້ທີ່ເຂົ່າມາທ່ຽວຊົມຮູ້ສຶກຜ່ອນຄາຍ ປານນັ່ງຢູ່ສວນອຸດທະຍານກໍ່ບໍ່ປານ, ເມື່ອຢ່າງເຂົາໄປໃນຢູ່ປາກຖ້ຳຈະມີສາຍນ້ຳທີ່ໃສເຢັນ ຕໍ່ຈາກນັ້ນທາງໃນຖຳຈະມີໂຫງ່ນຫີນນ້ອຍໃຫ່ຍ ທີ່ມີຄວາມສວຍງາມ ແລະ ຮູບຮາງລັກສະນະແຕກຕ່າງກັນ ຂື້ນກັບຈິນຕະນາການຂອງຜູ້ທີເຂົ້າມາທ່ຽວຊົມ. ຖໍ້ານາງຜົມຫອມ ຈາກເລື່ອງເລົ່າພື້ນບ້ານທີ່ໜ້າຄົ້ນຫາ
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments