ຄຳວ່າ ໃກ້ສິດ ແລະ ໃກ້ຊິດ
- Superphil Phil
- Apr 6, 2020
- 1 min read
ຄວາມໝາຍຂອງ ຄຳວ່າ ໃກ້ສິດ ແລະ ໃກ້ຊິດ ທີ່ຫລາຍທ່ານຍັງມີການໃຊ້ຜິດກັນຢູ່
ຄວາມຈິງແລ້ວສອງສັບນີ້ທີຄວາມໝາຍແຕກຕ່າງກັນ ແຕ່ກໍຄ້າຍຄືກັນແດ່ ເພາະທັງສອງລ້ວນແຕ່ມີຄຳວ່າ ໃກ້ ນຳໜ້າ ຕ່າງແຕ່ ສິດ ແລະ ຊິດ ເທົ່ານັ້ນ.
ຄຳວ່າ #ໃກ້ ເປັນຄຸນນາມ ໝາຍເຖິງບໍ່ໄກ, ມໍ່, ບໍ່ຫ່າງ…
#ສິດ ເປັນຄຳນາມ ໃນທີ່ນີ້ແມ່ນຖືກແປງມາຈາກຄຳໃນພາສາປາລີວ່າ ສິດທິ ໝາຍເຖິງອຳນາດ, ຄວາມເປັນໄປໄດ້, ສິ່ງທີ່ຢັ້ງຢືນເຖິງຄວາມເປັນໄປໄດ້, ຄວາມຖືກຕ້ອງ, ຄວາມຊອບທຳ….. ເຊັ່ນ ສິດເສລີພາບ, ສິດໃນການຄຸ້ມຄອງ, ມີສິດໃນມໍລະດົກ, ມີສິດໃນການເບິ່ງແຍງ, ສິດທິສະຕີ, ສິດທິມະນຸດ… #ຊິດ ມີຫຼາຍຄວາມໝາຍ ແຕ່ຈະຂໍອະທິບາຍໃນຄວາມໝາຍທີ່ເປັນຄຸນນາມ ແປວ່າ ຕິດ, ແປະ, ແນບ, ໃກ້, ມໍ່…
#ໃກ້ສິດ ມັນຈະເປັນຄຳຄຸນນາມວະລີ ທີ່ມີຄຸນນາມນຳໜ້າ ໝາຍເຖິງ ຍັງບໍ່ມີສິດເຕັມຕົວ, ມໍ່ຈະມີສິດເຕັມຕົວ, ສິດທີ່ຍັງບໍ່ເຕັມ…
#ໃກ້ຊິດ ເປັນຄຳປະສົມ ໃນຮູບແບບຊ້ອນຄວາມໝາຍລວງດຽວກັນ ໝາຍເຖິງ ຕິດແປະ, ແນບແປະ, ມໍ່ໆ, ໃກ້ໆ, ສາມາດປີ້ນກັນໄດ້ຄື ໃກ້ຊິດ ແລະ ຊິດໃກ້. ຄຳວ່າ ໃກ້ສິດ ແລະ ໃກ້ຊິດ ຍັງມີການໃຊ້ຜິດໆຖືກໆຢູ່
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments