ຄວາມໝາຍຂອງຄໍາສັບທີ່ວ່າ “ກໍາມະສິດ”
- Superphil Phil
- May 12, 2020
- 1 min read
ອະທິບາຍຄວາມໝາຍຂອງຄໍາສັບທີ່ວ່າ “ກໍາມະສິດ”
ກໍາມະສິດ ພາສາລາວກັບພາສາໄທ (กำมะสิด) ກໍ່ເວົ້າຄືກັນຕ່າງແຕ່ພາສາຂຽນສ່ວນເນື້ອໃນ ແລະ ຄວາມໝາຍແມ່ນອັນດຽວກັນ ເຮົາມາຮັບຮູ້ ແລະ ເຂົ້າໃຈຄວາມໝາຍຂອງຄໍາວ່າ: ກໍາມະສິດ ນໍາກັນດັ່ງນີ້:
ກໍາມະສິດ: ໝາຍເຖິງຄວາມເປັນເຈົ້າຂອງຊັບສິນຕາມກົດໝາຍ ຫຼື ຂໍ້ຕົກລົງ; ເປັນຜູ້ມີອໍານາດທັງໝົດທັງປວງນໍາໃຊ້; ຄອບຄອງໄດ້ຕາມໃຈ; ຄວາມຜູກຂາດ; ຄວາມເດັດຂາດໃນການນໍາໃຊ້; ຈໍາໜ່າຍໃຫ້ອອກຜົນ ຕິດຕາມ ແລະ ເອົາຄືນ ພ້ອມທັງສາມາດຂັດຂວາງບໍ່ໃຫ້ຜູ້ອື່ນສອດເຂົ້າມາກ່ຽວຂ້ອງກັບຊັບສິນນັ້ນໂດຍບໍ່ຖືກຕ້ອງຕາມກົດໝາຍ. ກໍາມະສິດຈະແມ່ນຂອງບຸກຄົນ ແລະ ຫຼາຍຄົນຄອບຄອງຮ່ວມກັນ ຕົວຢ່າງ: ກໍາມະສິດທີ່ດິນທີ່ເປັນມູນມັງທີ່ພໍ່ແມ່ແບ່ງປັນໃຫ້ລູກແຕ່ລະຄົນ ໂດຍອອກຊື່ພ້ອມດ້ວຍໃບຕາດິນໃຫ້ແຕ່ລະຄົນຄອບຄອງ ເອີ້ນວ່າ: ກໍາມະສິດບຸກຄົນ; ແຕ່ພໍ່ແມ່ບໍ່ທັນໄດ້ແບ່ງປັນມີແຕ່ມອບໃຫ້ລູກແຕ່ລະຄົນເຮັດກິນແຕ່ລະປີນັ້ນ ຍັງເປັນກໍາມະສິດຮ່ວມກັນຢູ່. ເຊິ່ງພາສາໄທກໍ່ມີຄູວາມໝາຍແບບດຽວກັນເຊັ່ນ:
กำมะสิด มีความหมาย ว่า ความเป็นเจ้าของทรัพย์ กรรมสิทธิ์ สิทธิทั้งปวงที่ผู้เป็นเจ้าของมีอยู่เหนือทรัพย์สิน ในอันที่จะใช้สอย จำหน่าย ได้ดอกผล ติดตามและเอาคืน รวมทั้งขัดขวางมิให้ผู้ อื่นสอดเข้าเกี่ยวข้องกับทรัพย์สินนั้นโดยมิชอบด้วยกฎหมาย. กรรมสิทธิ์รวม กรรมสิทธิ์ ของบุคคลหลายคนที่มีอยู่เหนือทรัพย์สินร่วมกัน. ມາຮຽນຮູ້ກັບຄວາມໝາຍຂອງຄໍາສັບທີ່ວ່າ “ກໍາມະສິດ”
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments