ຄໍາວ່າ: ອັດຕະວິໄສ ແລະ ພາວະວິໄສ ມີຄວາມໝາຍວ່າແນວໃດ?

ຄໍາວ່າ: ອັດຕະວິໄສ ແລະ ພາວະວິໄສ ມີຄວາມໝາຍວ່າແນວໃດ? คำว่า อัตวิสัย และ ภวะวิสัย มีความหมายอย่างไร ? ໃນ​ບົດ​ນີ້​ເຮົາ​ຈະ​ມາ​ເວົ້າ​ກ່ຽວ​ກັບ​ຄຳທີ່​ວ່າ ອັດຕະວິໄສ ແລະ ພາວະວິໄສ ​ໃນພາສາລາວກໍ່ເຊັ່ນດຽວກັບພາສາໄທ ​ເຊິ່ງ​ຫລາຍໆ​ຄຳແມ່ນມີ​ຄວາມ​ຫມາຍ ແລະ ພາ​ສາເວົ້າທີ່​ຄ້າຍຄືກັນ​ຢູ່​ແລ້ວ ແລະ ​ສອງ​ຄຳ​ໃນ​ທີ່​ນີ້ ກ​ໍ່​ມີຄວາມໝາຍອັນດຽວກັນທັງ​ພາ​ສາ​ລາວ ແລະ ພາ​ສາ​ໄທດັ່ງ​ນີ້. ອັດຕະວິໄສ (subjectivity ) ໝາຍ ເຖິງມູມມອງ ຫຼື ຄວາມຄິດເຫັນຂອງບຸກຄົນ ໂດຍສະເພາະແມ່ນສິ່ງທີ່ກ່ຽວຂ້ອງກັບຄວາມຮູ້ສຶກ, ຄວາມເຊື່ອ ຫລື ຄວາມຕ້ອງການ ມັນອາດໝາຍເຖິງແນວຄິດສ່ວນບຸກຄົນທີ່ບໍ່ສາມາດພິສູດໄດ້. ກົງກັນຂ້າມກັບຄວາມຮູ້ ແລະ ຄວາມເຊື່ອທີ່ອີງໃສ່ຂໍ້ເທັດຈິງທາງປັດຊະຍາ, ຄຳນີ້ມັກຈະມີຄວາມໝາຍກົງກັນຂ້າມກັບພາວະວິໄສ.

ເວົ້າ​ລາວ​ກັນ

ອັດຕະວິໄສ ເປັນທັດສະນະທີ່ມີຄວາມເຊື່ອວ່າສິ່ງມີຢູ່ ຫຼື ຄວາມຈິງຂອງສິ່ງ ສິ່ງໜຶ່ງຢູ່ກັບຕົວເຮົາເອງເປັນຄົນຕັດສິນເຊັ່ນ:ເມື່ອເຮົາໄດ້ກິ່ນອາຫານທີ່ມີຄົນກໍາລັງຄົວກິນສາບມາແຕ່ໄກແຕ່ຕົວເຮົາເອງຮູ້ສຶກວ່າໄດ້ກິ່ນຫອມຈົນຮູ້ສຶກຫິວ ແຕ່ວ່າຄົນອື່ນພັດໄດ້ກິ່ນວ່າມັນເໝັນກໍ່ເປັນໄດ້, ກິ່ນນໍ້າຫອມທີ່ເຮົາໃຊ້ແມ່ນມີກິ່ນຫອມຖືກໃຈເຮົາ ແຕ່ກິ່ນອາດຈະບໍ່ຖືກໃຈບາງຄົນກໍ່ເປັນໄດ້. ພາວະວິໄສ (objectivity) ແມ່ນສິ່ງທີ່ເປັນພື້ນຖານຢູ່ເໜືອຂໍ້ເທັດຈິງ ເງື່ອນໄຂທີ່ເປັນຄວາມຈິງ ໂດຍບໍ່ຂຶ້ນກັບຈິດໃຈ ນັ້ນແມ່ນຜົນຂອງການຕັດສິນໃຈໃດໆຈະບໍ່ຂື້ນກັບຄວາມຄິດເຫັນ ແລະ ຄວາມຮູ້ສຶກ. ຄວາມເປັນຈິງທີ່ເກີດຂຶ້ນຕາມຈຸດປະສົງຈະຖືກຄົ້ນພົບຫຼາຍກວ່າການສ້າງແບບປັດຊະຍາ. ສິ່ງທີ່ເປັນພາວະວິໄສຈະເປັນຈິງສະເໝີ ບໍ່ວ່າຈະຢູ່ໃສ ເວລາໃດ ຫຼື ຢູ່ກັບບຸກຄົນໃດ ມີຄວາມໝາຍກົງກັນຂ້າມກັບອັດຕະວິໄສ ຂໍ້ເທັດຈິງທີ່ເປັນອັດຕະວິໄສຈະເປັນພາວະວິໄສກໍ່ຕໍ່ເມື່ອສິ່ງນັ້ນເປັນຂໍ້ເທັດຈິງບົນເງື່ອນໄຂສະເພາະ ເຊັ່ນ: ໃນເວລາສະເພາະ, ໃນສະຖານທີ່ສະເພາະ ຫຼື ກັບບຸກຄົນ. ອັດຕະວິໄສ ແລະ ພາວະວິໄສ ມີຄວາມໝາຍວ່າແນວໃດ? ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Facebook Doodido