ຄໍາວ່າ ສະເດີດ ແລະ ສະດຸ້ງ ຄວາມໝາຍຕ່າງກັນ ແລະ ຄືກັນແນວໃດ?

ຄໍາວ່າ ສະເດີດ ແລະ ສະດຸ້ງ ຄວາມໝາຍຕ່າງກັນ ແລະ ຄືກັນແນວໃດ? ໃນບົດນີ້ເຮົາຈະຍົກເອົາຄໍາວ່າ ສະເດີດ ແລະ ສະດຸ້ງ ມາອະທິບາຍເຖິງວິທີການນໍາໃຊ້ ແລະ ຄວາມມາຍຂອງມັນ, ເຊິ່ງສອງຄໍານີ້ ຫຼາຍຄົນບໍ່ຄ່ອຍໃຫ້ຄວາມສໍາຄັນພໍປານໃດ ເພາະຄິດວ່າມີຄວາມໝາຍດຽວກັນ ແລະ ສາມາດໃຊ້ຄໍາໃດກໍໄດ້, ແຕ່ວ່າອັນທີ່ຈິງແລ້ວຄວາມໝາຍມັນຕ່າງກັນ ເຮົາຄວນຈໍາແນກໃຫ້ອອກລະຫວ່າງ ສະເດີດ ແລະ ສະດຸ້ງເພາະວ່າມັນມີຮູບແບບການນໍາໃຊ້ໃນໂຄງສ້າງປະໂຫຍກທີ່ບໍ່ຄືກັນ.

DooDiDo

ເພື່ອທໍາຄວາມເຂົ້າໃຈຢ່າງເລິກເຊິ່ງກ່ຽວກັບສອງຄໍານີ້ ເຮົາຂໍນໍາເອົາຂໍ້ມູນບາງສ່ວນຈາກວັດຈະນານຸກົມພາສາລາວ ສະບັບຄົ້ນຄວ້າ ແລະ ຮຽບຮຽງ ໂດຍ ທອງຄຳ ອ່ອນມະນີສອນ, ມາປະກອບໃສ່ໃນການອະທິບາຍຄວາມໝາຍສອງຄໍາສັບດັ່ງກ່າວ: ຄຳວ່າ ສະເດີດ. ສະເດີດ ໃຊ້ເປັນຄໍາກໍາມະ ມີຄວາມໝາຍວ່າ ດິ້້ນດຶບຂຶ້ນ, ເໜັງຕົວຂຶ້ນທັນທີດ້ວຍຄວາມຕົກໃຈ, ຊວດຮູ້ເມື່ອຄີງ. ຕົວຢ່າງ: ມື້ຄືນນອນຫຼັບຢູ່ດີໆ ເມື່ອຝັນເຫັນໂຕໝາໄລ່ກັດກໍສະເດີດຂຶ້ນທັນທີ. ຄຳວ່າ ສະດຸ້ງ. ສະດຸ້ງ ໃຊ້ເປັນທັງຄໍາກໍາມະ ແລະ ຄໍານາມ ເຊິ່ງມີຄວາມໝາຍທີ່ແຕກຕ່າງກັນອອກໄປເຊັ່ນ: ສະດຸ້ງ (ຄໍາກໍາມະ) ໝາຍເຖິງ ຕື່ນ, ຕົກໃຈ, ຕື່ນຕົກໃຈໝົດແຮງ. ຕົວຢ່າງ: ຂ້ອຍກໍາລັງນັ່ງເຮັດວຽກດ້ວຍຄວາມຕັ້ງໃຈ, ທັນທີທັນໃດຟ້າຮ້ອງສຽງດັງເຕີງຂ້ອຍຈົນສະດຸ້ງ. ສະດຸ້ງ (ຄໍານາມ) ແມ່ນ ເຄື່ອງມືຫາປາ ສານດ້ວຍເສັ້ນປ່ານ ຫຼືເສັ້ນນິລົງ ເປັນຮູບສີ່ແຈມີຂາສຸບໃສ່ສີ່ແຈ ແລະ ມີຄັນສໍາລັບຍົກ. ຕົວຢ່າງ: ແມ່ຂ້ອຍຫາປາດ້ວຍການໃຊ້ສະດຸ້ງສ້ອນເອົາປາຂຶ້ນມາຈາກໜອງນໍ້າ ຄໍາວ່າ ສະເດີດ ແລະ ສະດຸ້ງ ສອງຄຳນີ້ມີຄວາມໝາຍແນວໃດ?

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo