ກຽມ​ຕົວກ່ອນການລົງທືນໃນ ສ ປ ປ ລາວ

ເປັນທີ່ຮູ້ກັນດີວ່າ ສ ປ ປ ລາວ ແລະ ປະເທດໄທມີຄວາມສະໜິດຕິດພັນກັນ​ທາງ​ດ້ານພູມສາດ ລວມທັງວັດທະນະທຳ ແລະ ມີພາສາຄ້າຍຄືກັນ ການໃຫ້ນັກລົງທືນໄທທີ່ເຂົ້າມາລົງທືນຢູ່ລາວແລ້ວ ຫລື ຜູ້ທີ່ກ່ຳ​ລັງສົນໃຈຢາກມາລົງທືນຢູ່ ສ ປ ປ ລາວ ມີຄວາມ​ໄດ້​ປຽບຫລາຍກວ່ານັກລົງທືນຊາດອື່ນໆທີ່ສົນໃຈຢາກມາລົງທືນໃນລາວ.

ເຖິງຢ່າງໃດກໍ່ຕາມ, ຍັງມີນັກທຸລະກິດໄທ​ຈ່ຳ​ນວນ​ບໍ່​ນ້ອຍຍັງຄົງປະສົບບັນຫາໃນການລົງທືນຢູ່ສປປລາວ, ໃນບົດຂຽນນີ້, ພວກເຮົາຈະແນະນຳແບບ​ຫຍໍ້ໆໃຫ້ໃຫ້​ຮູ້ກ່ອນທີ່ຈະລົງທືນໃນລາວ

ພາ​ບຈາກ bluenotes.anz_.com

ການ “ຮູ້ເຂົາ” ຢູ່ທີ່ນີ້ຍັງຂະຫຍາຍໄປ​ເຖິງການຮູ້ກົດລະບຽບທີ່ກ່ຽວຂ້ອງກັບທຸລະກິດຂອງທ່ານ​ນຳ, ຫລາຍ​ຄັ້ງ​ທີ່ນັກລົງທືນໄທມັກຈະບໍ່ສົນໃຈກົດລະບຽບ ແລະ ເງື່ອນໄຂທີ່ໄດ້ກຳນົດໄວ້ ກ່ອນທີ່ຈະລົງທືນຢູ່ລາວ, ເຖິງວ່າຈະມີບາງຢ່າງທີ່ສາມາດປະສົບຜົນສຳເລັດໄດ້ໂດຍບໍ່ຕ້ອງ “ຮູ້ເຂົາ”, ແຕ່ກໍ່ບໍ່ແມ່ນທຸກໆກໍລະນີການປະສົບຜົນສຳເລັດແບບ​ດຽວ​ກັນ. ການ “ຮູ້ເຂົາ” ສິງ​ທີ່​ຄວນ​ຮູ້​ກ່ອນການລົງທືນໃນ ສ ປ ປ ລາວ ຈະ​ເຮັດ​ໃຫ້ຫຼຸດຜ່ອນຄວາມສ່ຽງທີ່ອາດຈະເຮັດໃຫ້ເກີດ​ຂື້ນ ລ​ວມ​ໄປ​ເຖິງ​ອາດ​ຈະ​ເສຍເວລາ ແລະ ເສຍເງິນໂດຍ​ບໍ່​ມີ​ເຫດ​ຜົນ.

ສະນັ້ນ, ກ່ອນທີ່ນັກລົງທືນຈະໄປລົງທືນຢູ່ລາວ, ນັກລົງທືນຄວນສຶກສາຂໍ້ມູນຂອງສປປລາວຢ່າງລະ​ອຽດ ໂດຍການສຶກສາຂໍ້ມູນດັ່ງກ່າວບໍ່ຄວນສຸມໃສ່ແຕ່ຂໍ້ມູນໃນ​ທາງຕົວເລກເຊັ່ນ: ຂໍ້ມູນດ້ານການຕະຫຼາດ. ການເຕີບໂຕຂອງເສດຖະກິດ, ແຕ່ນັກລົງທືນຄວນພິຈາລະນາດ້ານອື່ນໆທີ່ອາດຈະສົ່ງຜົນກະທົບຕໍ່ການ ດຳ ເນີນທຸລະກິດ, ເຊັ່ນວ່າ ວັດທະນະທຳ, ນິດ​ໃສຂອງຄົນລາວ, ໜ່ວຍ​ງານ​ລັດ​ທີ່​ກ່ຽວ​ຂ້ອງ ແລະ ການບັງຄັບໃຊ້ກົດໝາຍເພື່ອໃຫ້ສາມາດຕອບສະໜອງຄວາມຕ້ອງການຂອງຜູ້ຊົມໃຊ້ໃນ ສ ປ ປ ລາວຢ່າງຖືກຕ້ອງ.

ຕິດຕາມ​ການ​ເຄືອນ​ໄຫວ​ເຫດ​ການເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ Facebook Doodido

ທີ​ມາ thaibizlao.com