ການນຳເຂົ້າ ແລະ ສົ່ງອອກ ສະຖິຕິທາງການຄ້າປີ 2019 ສິດທິພິເສດ
- Superphil Phil
- Jun 6, 2020
- 1 min read
ການນຳເຂົ້າ ແລະ ສົ່ງອອກ ສະຖິຕິທາງການຄ້າປີ 2019 ສິດທິພິເສດ ຈາກການລາຍງານຂອງສຳນັກຂ່າວສານປະເທດລາວ ໃຫ້ຮູ້ວ່າ ກົມການນໍາເຂົ້າ ແລະ ສົ່ງອອກ ກະຊວງ ອຸດສາຫະກຳ ແລະ ການຄ້າ ໄດ້ສຳເລັດການສັງລວມ ສະຖິຕິການນຳເຂົ້າ ແລະ ສົ່ງອອກ ພາຍໃຕ້ສິດທິພິເສດທາງການຄ້າ ປະຈຳປີ 2019 ເຊິງໄດ້ຂໍ້ມູນສະຫລຸບອອກມາໃຫ້ຮູ້ໃນລາຍລະອຽດມີດັ່ງນີ້. ໂດຍແບ່ງອອກເປັນ 02 ຮູບແບບດ້ວຍກັນຄື: ແບບຝ່າຍດຽວ (GSP) ແລະ ແບບຕອບແທນກັນ ຫຼື ຕ່າງຝ່າຍຕ່າງໄດ້ຮັບຜົນປະໂຫຍດ (FTA) ເຊິ່ງສາມາດບັນລຸໄດ້ປະມານ 1.328 ລ້ານກວ່າໂດລາ ກວມເອົາ 22,65% ຂອງມູນຄ່າການສົ່ງອອກທັງໝົດຂອງ ສປປ ລາວ ປະມານ 5.864 ລ້ານກວ່າໂດລາ. ຂະນະທີ່ ມູນຄ່າການນຳເຂົ້າ ພາຍໃຕ້ສິດທິພິເສດ ທາງການຄ້າແມ່ນປະມານ 665,92 ລ້ານໂດລາ ກວມເອົາ 11.60% ຂອງມູນຄ່າການນຳເຂົ້າ ທັງໝົດຂອງ ສປປ ລາວ ປະມານ 5.740 ລ້ານກວ່າໂດລາ.
ໃນປີ 2019 ຜ່ານມາ ເມື່ອສົມທຽບລະຫວ່າງ ສອງຮູບແບບການສົ່ງອອກພາຍໃຕ້ສິດທິພິເສດທາງການຄ້າ ເຫັນວ່າ ການສົ່ງອອກແບບຝ່າຍດຽວ ມີມູນຄ່າພຽງ 327 ລ້ານກວ່າໂດລາ; ໃນຂະນະທີ່ການສົ່ງອອກແບບ ຕອບແທນກັນ ມີມູນຄ່າສູງກວ່າ 1.000 ລ້ານໂດລາ. ການສົ່ງອອກແບບຕອບແທນກັນ ກວມເອົາອັດຕາສ່ວນຫຼາຍ ຂອງການສົ່ງອອກພາຍໃຕ້ສິດທິພິເສດທາງການຄ້າ ປະມານ 75,32%.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments