ກອງປະຊຸມສູນກາງພັກ ຄັ້ງທີ 10 ສະໄໝທີ X ໄດ້ຮັບຜົນສຳເລັດແລ້ວ.
- Superphil Phil
- Jun 16, 2020
- 1 min read
ກອງປະຊຸມສູນກາງພັກ ຄັ້ງທີ 10 ສະໄໝທີ X ໄດ້ຮັບຜົນສຳເລັດແລ້ວ. ດັ່ງທີ່ເຮົາຮູ້ກັນດີແລ້ວວ່າໃນໄລຍະນີ້ທາງຄະນະບໍລິຫານງານສູນກາງພັກໄດ້ຈັດກອງປະຊຸມ, ເຊິງແມ່ນກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝທີ X ທີ່ໄດ້ດຳເນີນມາຕັ້ງແຕ່ວັນທີ 08 ມິຖຸນາ 2020 ຫາ 12 ມິຖຸນາ ປີ 2020 ນີ້ກໍ່ໄດ້ສິ້ນສຸດລົງ ແລະ ພ້ອມທັງໄດ້ຮັບສຳເລັດຜົນຢ່າງຈົບງາມ. ຕາມການລາຍງານຂອງເວບໄຊ medialaos.com ໄດ້ລາຍງານໃຫ້ຮູ້ວ່າ ກອງປະຊຸມສູນກາງຄັ້ງນີ້, ໄດ້ລົງເລິກປຶກສາຫາລື ແລະ ປະກອບຄຳເຫັນຕໍ່ເອກະສານສຳຄັນຕ່າງໆ ຂອງສປປ ລາວ ແລະ ບັນດາເນື້ອໃນທີ່ເປັນບັນຫາຍຸດທະສາດຂອງພັກ ແລະ ຂອງຊາດລາວເຮົາ ເພື່ອທີ່ຈະນຳເຂົ້າຮັບຮອງຢູ່ກອງປະຊຸມໃຫຍ່ ຄັ້ງທີ່ XI ຂອງພັກ ໃນຄັ້ງຕໍ່ໜ້າເຊິງມີລາຍລະອຽດຕ່າງໆ ລວມ 11 ຂໍ້ດັ່ງນີ້:
ການຈັດຕັ້ງປະຕິບັດມະຕິກອງປະຊຸມຄົບຄະນະ ຄັ້ງທີ 07, 08, 09 ຂອງຄະນະບໍລິຫານສູນກາງພັກສະໄໝທີ X, ຕິດພັນກັບຄວາມຄືບໜ້າໃນການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ, ງົບປະມານ, ເງິນຕາປະຈຳໄຕມາດທີ I ປີ
ກອງປະຊຸມໄດ້ສຸມໃສ່ຕີລາຄາຄືນຜົນສຳເລັດ, ຂໍ້ຫຍຸ້ງຍາກໃນການຈັດຕັ້ງປະຕິບັດມະຕິກອງປະຊຸມຄົບຄະນະ ຄັ້ງທີ 07, 08, 09 ຂອງຄະນະບໍລິຫານງານສູນກາງພັກ ສະໄໝທີ X ໃນຊຸມປີຜ່ານມາ.
ພ້ອມດຽວກັນ, ກອງປະຊຸມໄດ້ເປັນເອກະພາບຕໍ່ບັນດາມາດຕະການກະຕຸ້ນ ແລະ ຍູ້ແຮງການເຕີບໂຕຂອງເສດຖະກິດ-ສັງຄົມ ໂດຍສະເພາະຄວາມພະຍາຍາມປັບປຸງສະພາບແວດລ້ອມຂອງການລົງທຶນ ກໍ່ຄືການເຄື່ອນໄຫວທຸລະກິດ ແລະ ການບໍລິການ.
ການແບ່ງຂັ້ນຄຸ້ມຄອງ ການແບ່ງສິດຄວາມຮັບຜິດຊອບ ແລະ ການປະສານງານ ລະຫວ່າງ ສູນກາງ ແລະ ທ້ອງຖິ່ນ, ການແກ້ໄຂໜີ້ສິນ, ການປັບປຸງໂຄງສ້າງຂອງລັດວິສາຫະກິດຈຳນວນໜຶ່ງ ລວມທັງການແກ້ໄຂການຮົ່ວໄຫຼຂອງງົບປະມານ, ການປະຕິບັດລາຍຈ່າຍບໍລິຫານ ກໍ່ຄື ການລົງທຶນຂອງລັດຢ່າງມີຈຸດສຸມ ແນ່ໃສ່ສ້າງການຫັນປ່ຽນທີ່ແທ້ຈິງໃນຊຸມປີຕໍ່ໜ້ານີ້.
ສຳເລັດກອງປະຊຸມສູນກາງພັກ ຄັ້ງທີ 10 ສະໄໝທີ X ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments