ກວດພົບການສໍ້ລາວບັງຫລວງຂອງສະມາຊິກພັກຈ່ຳນວນຫນຶ່ງທັງສວຍໃຊ້ໜ້າທີ່ເພື່ອຜົນປະໂຫຍດສ່ວນຕົວ.
- Superphil Phil
- Aug 13, 2020
- 1 min read
ກວດພົບການສໍ້ລາວບັງຫລວງຂອງສະມາຊິກພັກຈ່ຳນວນຫນຶ່ງທັງສວຍໃຊ້ໜ້າທີ່ເພື່ອຜົນປະໂຫຍດສ່ວນຕົວ. ການສໍ້ລາດບັງຫລວງໃນປະເທດເຮົາຍັງເກີດຂື້ນເລື້ອຍໆ ເກືອບວ່າຈະເປັນເລື່ອງປົກກະຕິໄປສາແລ້ວໃນຫລາຍໆອົງກອນຂອງ ສປປ ລາວ ເຮົາ, ຂັ້ນນ້ອຍກິນນ້ອຍຂັ້ນໃຫຍ່ກິນຫລາຍຕາມລຳດັບຂອງໜ້າທີ່ຕ່ຳແໜ່ງ ສຳລັບບຸກຄົນບາງກຸ່ມ, ການເອົາວຽກໃຫ້ກັນໄດ້ຄ່ານ້ຳຄ່າໃນນຳກັນເຮັດໃຫ້ການພັດທະນາປະເທດບໍ່ໄດ້ຄຸນນະພາບ ແລະ ໄປຊ້າ. ກອງປະຊຸມວຽກງານກວດກາທະນາຄານແຫ່ງ ສປປ ລາວໄດ້ ຈັດຂຶ້ນວັນທີ 7 ສິງຫາ 2020 ທີ່ສະຖາບັນການທະນາຄານ ໂດຍເປັນປະທານຂອງທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ, ຄະນະກວດກາພັກ ທຫລ ໄດ້ລາຍງານການເຄື່ອນ ໄຫວວຽກງານກວດກາ ທຫລ ໄລຍະ 1 ປີຜ່ານມາ ແລະ ທິດທາງແຜນການປີ 2020 ເພື່ອເຮັດໃຫ້ການເຄື່ອນໄຫວວຽກງານຂອງແຕ່ລະພາກສ່ວນຮັບປະກັນຄວາມຖືກຕ້ອງ ແລະ ສອດຄ່ອງຕາມພາ ລະບົດບາດທີ່ກຳນົດໄວ້ ເຊິ່ງໃນປີ 2019 ສາມາດຈັດຕັ້ງປະຕິບັດສຳເລັດຕາມແຜນການທີ່ວາງໄວ້ທັງໝົດ 16 ເປົ້າໝາຍ.
ຈາກການດຳເນີນການຕິດຕາມກວດກາປົກກະຕິ ແລະ ກວດກາສະເພາະກິດ ສາມາດພົບເຫັນບັນດາພຶດຕິກຳການສໍ້ລາດບັງຫຼວງຂອງສະມາຊິກພັກ-ພະນັກງານຈຳນວນຫຼາຍສົມຄວນ ສ່ວນຫຼາຍແມ່ນການສວຍໃຊ້ໜ້າທີ່ຄວາມຮັບຜິດຊອບເພື່ອຫາຜົນປະໂຫຍດສ່ວນຕົວ ເຊິ່ງເກີດຂຶ້ນໃນຂົງເຂດທະນາຄານທຸລະກິດລັດ ແລະ ທະນາຄານສະເພາະກິດເປັນສ່ວນໃຫຍ່. ບັນຫາທີ່ພົ້ນເດັ່ນກວ່າໝູ່ ແມ່ນການປອມແປງເອກະສານເພື່ອຖອດເອົາເງິນໃນບັນຊີເງິນຝາກປະຈຳຂອງລູກຄ້າ ຮັບເງິນຈາກລູກຄ້າແລ້ວບໍ່ມອບເຂົ້າບັນຊີ ລັກເອົາເງິນໃນຄັງມາໃຊ້ຈ່າຍສ່ວນຕົວ ແລະ ຮຽກຮ້ອງຜົນປະໂຫຍດຈາກລູກຄ້າ. ນອກຈາກນັ້ນ ພະນັກງານຂັ້ນຊີ້ນຳ-ນຳພາບາງຂົງເຂດ ຍັງຖືກເບົາຕໍ່ການຕິດຕາມກວດກາພະນັກງານໃນຄວາມຮັບຜິດຊອບຂອງຕົນ ຈຶ່ງກໍ່ ໃຫ້ເກີດມີປາກົດການຫຍໍ້ທໍ້ເກີດຂຶ້ນຢ່າງຫຼວງຫຼາຍ ແລະ ສ້າງຜົນເສຍຫາຍໃຫ້ຂະແໜງການທະນາຄານຢ່າງມະຫາສານ. ກວດພົບພືດຕິກຳສໍ້ລາດບັງຫລວງຂອງສະມາຊິກພັກຈ່ຳນວນໜຶ່ງ ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comments