ກວດ ແລະ ກວາດ ທີ່ຫລາຍຄົນມັກຫລົງກັນ.
- Superphil Phil
- Jul 12, 2020
- 1 min read
ມາຮູ້ຈັກຄຳວ່າ ກວດ ແລະ ກວາດ ທີ່ຫລາຍຄົນມັກຫລົງກັນ.
ໃນພາສາລາວ ມີຫລາຍໆຄຳທີ່ອອກສຽງຄ້າຍຄືກັນ ລວມທັງຄວາມໝາຍກໍໃກ້ຄຽງກັນ ແລະ ເວລານຳໄປໃຊ້ກໍຫລາຍຕໍ່ຫລາຍຂື້ນ ແຕ່ລະເຂດ, ແຕ່ລະແຂວງ ແລະ ແຕ່ລະພາກຂອງປະເທດລາວ, ລວມທັງຍັງມີບັນດາຊົນເຜົ່າບາງຄົນທີ່ເວົ້າພາສາລາວບໍ່ຄອຍແຈ້ງນຳອີກ, ເວລາເວົ້າອອກສຽງຜິດພາດໄປເລັກນ້ອຍກໍຈະກາຍເປັນອີກຄຳໜຶ່ງໂລດ ເຊິ່ງການສະຕົວອັກສອນກໍອາດຕ່າງກັນໄປ ແລະ ລວມທັງຄວາມໝາຍກໍຕ່າງໄປອີກ.
ໃນຕອນນີ້ເຮົາຈະມາເວົ້າເຖິງຄຳວ່າ ກວດ ແລະ ກວາດ ທີ່ມີຄວາມໝາຍ ແລະ ການສະກົດຄຳທີ່ແຕກຕ່າງກັນພຽງເລັກນ້ອຍ ແລະ ພົບເຫັນຫລາຍໆຄົນມັກໃຊ້ສະຫລັບສັບປ່ຽນກັນໄປມີທັງຖືກແດ່, ຜິດແດ່ ແລະ ເຮັດໃຫ້ຜິດຄວາມໝາຍຂອງຄຳທີ່ແທ້ຈິງຂອງຄຳສອງຄຳນີ້, ເພື່ອເຮັດໃຫ້ຫລາຍໆຄົນເຂົ້າໃຈສອງຄຳນີ້ ທັງສຳນວນສຽງເວົ້າ ແລະ ຄວາມໝາຍຂອງມັນ, ຈະຂໍອິງຕາມຫລັກການໄວຍາກອນໃນພາສາລາວມາອະທິບາຍ ແລະ ລົມເປັນຫົວຂໍ້ໃຫ້ເຂົ້າໃຈ ລະຫວ່າງ ພາສາລາວ ຄຳທີ່ວ່າ ກວດ ແລະ ກວາດ ດັ່ງນີ້. ຄຳວ່າ: ກວດ. ຄຳນີ້ເປັນຄຳກຳມະ ເຊິ່ງມີຄວາມໝາຍວ່າ ເບິ່ງໃຫ້ຖີ່ຖ້ວນເພື່ອໃຫ້ຮູ້ວ່າອັນໃດຖືກອັນໃດຜິດ, ອັນໃດດີອັນໃດບໍ່ດີ, ກວດກາເບິ່ງເພື່ອການພິຈາລະນາໃຫ້ຖືກຕ້ອງ, ເບິ່ງຄວາມເປັນລະບຽບຕ່າງໆ. ຕົວຢ່າງ: ມື້ນີ້ ອາຈານ ຈະກວດກາຄວາມເປັນລະບຽບຂອງນັກຮຽນໃນຫ້ອງເດີ. ເຈົ້າຈະເດີນທາງໄກ ເຈົ້າເອົາລົດໄປໃຫ້ນາຍຊ່າງເພີນກວດເບິ່ງລົດແລ້ວຫວາ. ລູກເອີຍ! ອອກຈາກເຮັດກວດເບິ່ງຟືນເບິ່ງໄຟແດ່ເດີ. ພາສາລາວຄຳວ່າ ກວດ ແລະ ກວາດ ທີ່ຫລາຍຄົນມັກຫລົງກັນ ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
Comentarios