8 ສະຖານທີ່ຂອງເຂດເມືອງວັງວຽງທີ່ໜ້າທ່ອງທ່ຽວ

Superphil Phil
Apr 15, 2020
1 min read

8 ສະຖານທີ່ທີ່ໜ້າທ່ອງທ່ຽວໃນເຂດເມືອງວັງວຽງ

ຄິດວ່າຫລາຍໆທ່ານ ທີ່ຢູ່ທັງພາຍໃນປະເທດ ສປປ ລາວເຮົາເອງ ຫລື ຊາວຕ່າງຊາດສ່ວນຫລາຍກໍ່ໜ້າຈະໄດ້ຍິນຊື່ ຫລື ຮູ້ຈັກດີຢູ່ແລ້ວວ່າ ວັງວຽງເປັນສະຖານທີ່ທ່ອງທຽວທີ່ນິຍົມກັນຫລາຍໃນປະຈຸບັນນີ້. ເຮົາຈະມາແນະນຳບາງສະຖານທີ່ທ່ອງທຽວໃຫ້ຜູ້ທີ່ຍັງບໍ່ເຄີຍໄປໄດ້ຮູ້ຈັກເຖິງແຕ່ລະແຫ່ງທີ່ເປັນສະຖານທີ່ໜ້າສົນໃຈ.

1. ບລູລາກູນ (Blue Lagoon): ສະນ້ຳໄສເປັນສີຟ້າຄືກັບຄຣິສຕັນ ເປັນສະນ້ຳທີ່ເກີດຂຶ້ນໂດຍທຳມະຊາດ ເປີດໃຫ້ນັກທ່ອງທ່ຽວສາມາດລົງໄປຫລິ້ນລອຍນ້ຳ ຫລື ດຳນ້ຳໄດ້ຕາມສະບາຍ, ມຸມໄຮໄລຄື: ໂອນຊາທີ່ໃກ້ກັບ ບລູ ລາກູນ ທີ່ເຮົາສາມາດຂຶ້ນໄປນັ່ງຫລິ້ນໄດ້.

ພາບ: laophattananews.com

2. ຂົວສີສົ້ມ: ມັນຄ້າຍຄືກັບແລນມາກ ທີ່ນັກທ່ອງທ່ຽວຕ້ອງມາຖ່າຍຮູບເມື່ອມາຮອດວັງວຽງ, ເພາະວິວທາງຫລັງທີ່ງົດງາມ ປະກອບກັບຂົວແຂວນ ເຮັດໃຫ້ໄດ້ບັນຍາກາດຂອງຄວາມປອດໄພໂຍກເຍກໄປມາ.

ພາບ: laophattananews.com

3. ຖ້ຳຈັງ: ເປັນຖ້ຳຂະໜາດໃຫຍ່ ທີ່ມີຊື່ສຽງໃນວັງວຽງ ຕັ້ງຢູ່ຫ່າງຈາກເມືອງວັງວຽງປະມານ 1 ກິໂລແມັດ, ກ່ອນຈະເດີນທາງຂຶ້ນຖ້ຳຈັງ ນັກທ່ອງທ່ຽວຈະຕ້ອງຍາງຜ່ານຂົວຂ້າມແມ່ນ້ຳຊອງ ຫລື ທີ່ເອີ້ນກັນວ່າ ຂົວສີສົ້ມນັ້ນເອງ. ສຳລັບການເດີນທາງຂຶ້ນໄປທີ່ຖ້ຳຈັງນັ້ນ ຈະຕ້ອງຍາງຂຶ້ນຂັ້ນໄດ້ 147 ຂັ້ນ, ເປັນທາງຊັນ ເພາະສະນັ້ນຈິ່ງຄວນຟິດຮ່າງກາຍຈັກໜ່ອຍກ່ອນຈະເຂົ້າໄປໃນຖ້ຳ ເຊິ່ງຈະໄດ້ສຳພັດກັບຫິນງອກຫິນຍ້ອຍຕ່າງໆ ທີ່ງົດງາມ ແລະ ຈຸດຊົມວິວ ທີ່ສາມາດເບິ່ງເຫັນວິວແມ່ນ້ຳຂອງ ກັບທົ່ງນາສີຂຽວຂອງເມືອງວັງວຽງ.

ພາບ: laophattananews.com

4. ບອລລູນ: ໄຮໄລອີກຢ່າງຂອງວັງວຽງທີ່ພາດບໍ່ໄດ້ກໍຄື ການຂຶ້ນ ບອລລູນ ໄປຊົມວິວ ເມືອງວັງວຽງຈາກມູມສູງ, ເຮົາຈະເຫັນທຳມະຊາດອັນງົດງາມທີ່ບໍ່ໄດ້ຕົບແຕ່ງຫຍັງຫລາຍ, ພ້ອມກັນນັ້ນຊົມວິວພູເຂົາ, ທົ່ງນາສີຂຽວງາມ ແລະ ແມ່ນ້ຳຊອງ ທີ່ໄຫລຜ່ານວັງວຽງ ຖ້າໄດ້ມາທ່ຽວກໍບໍ່ຕ້ອງພາດກິດຈະກຳແບບນີ້.

ພາບ: laophattananews.com

5. ຖ້ຳນ້ຳ: ຢູ່ບໍ່ໄກຈາກຕົວເມືອງວັງວຽງ ແລະ ເປັນສະຖານທີ່ທ່ອງທ່ຽວຂອງນັກທ່ອງທ່ຽວທີ່ມັກ ລອດຖ້ຳ (Tubing) ໂດຍການນັ່ງເທິງເຄື່ອງລອດ ແລ້ວຈັບເຊືອກເຂົ້າໄປໃນຖ້ຳ. ພາຍໃນຖ້ຳກໍຈະມີຫິນງອກຫິນຍ້ອຍໃຫ້ໄດ້ຊົມ ເໝາະສຳລັບຄົນມັກທ່ຽວແບບທຳມະຊາດ ໃຊ້ເວລາປະມານ 20 ນາທີ ໃນການລ່ອງເຂົ້າໄປໃນຖ້ຳ ແລະ ຕ້ອງເກາະເຊືອກດຶງໄປເລື້ອຍໆ ສຳລັບດ້ານນອກກໍສາມາດຫລິ້ນນ້ຳໄດ້ຕາມປົກກະຕິ.